00:00:00 IGIHE NETWORK KN KINYARWANDA EN ENGLISH FR FRANCAIS

Kenya: Abapolisi batandatu bakurikiranyweho kwica abasore babiri bari barenze amabwiriza yo kwirinda Covid-19

Yanditswe na Muhonzire Sylvine
Kuya 3 Nzeri 2021 saa 11:14
Yasuwe :
0 0

Abapolisi batandatu bo mu gace ka Embu muri Kenya, bakurikiranyweho kwivugana abasore babiri bavukana bari barenze ku mabwiriza yo kwirinda Covid-19 mu ntangiriro za Kanama 2021.

Kuwa 1 Nzeri 2021 nibwo aba bapolisi bagejejwe imbere y’urukiko, nyuma y’ukwezi habaye imyigaragambyo yamagana urupfu rwa Emmanuel Mutura Ndwiga w’imyaka 19 na Benson Njiru Ndwiga w’imyaka 22 basanzwe muri Morgue nyuma y’iminsi ibiri bafashwe na polisi barengeje amasaha yo gutaha.

Aba bapolisi barimo abagabo bane n’abagore babiri bahakanye ibyaha bashinjwa, ariko bazakomeza gufungwa kugeza igihe urubanza rwabo ruzasomwa ku itariki 22 Nzeri.

Imirambo y’aba bana bigaga muri Kaminuza ikimara kuboneka, Polisi yo muri Embu yatangaje ko bazize gusimbuka mu modoka igenda, ibintu byamaganiwe kure n’abo mu muryango wabo.

Nelson Havi, Perezida w’ikigo gishinzwe ubutabera bwa rubanda muri Kenya, yavuze ko aba bapolisi bagomba kuryozwa ibyo bakoze nubwo bitazagurura abapfuye.

Ati “Ntibizagarura aba basore babiri ariko bizaha isomo abapolisi ko batagomba gutwara ubuzima bw’inzirakarengane ngo ubundi bifate neza ntibabihanirwe. Ndasaba ko tutagomba gutuza kugeza igihe aba bapolisi batandatu baryojwe ibyo bakoze.”

Abaturage ndetse n’imiryango iharanira uburenganzira bwa muntu muri Kenya imaze igihe ishinja polisi y’iki gihugu guhohotera abaturage ndetse bamwe ikabahitana yitwaje amabwiriza ya Covid-19.

Uretse aba bapolisi batandatu, mu matariki yo hagati ya Kanama Polisi y’iki gihugu yatangaje ko yatangiye iperereza ku rupfu rw’umushoferi wa Taxi w’imyaka 38 wakubiswe na Polisi kugeza apfuye azira kurenza amasaha yagenwe yo gutaha ‘Curfew’ (Saa yine z’ijoro kugeza saa Kumi z’igitondo).

Bivugwa ko hamaze kuboneka impfu 25 zose zifitanye isano no kwangiza amabwiriza ya Covid-19.

Abapolisi batandatu bakekwaho kwica aba bana bagejejwe imbere y'urukiko
Imirambo yabo yasanzwe muri morgue nyuma y'iminsi ibiri bafashwe na Polisi barenze ku mabwiriza ya Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .