Kenya: Abaminisitiri bategetswe gukingirwa Covid-19

Yanditswe na Umutoni Rosine
Kuya 26 Werurwe 2021 saa 02:30
Yasuwe :
0 0

Perezida wa Kenya, Uhuru Kenyatta, yategetse ko abagize Guverinoma ye n’abo mu biro bye bose bakingirwa Covid-19.

Umuyobozi ushinzwe Abakozi mu Biro bya Perezida muri Kenya, Nzioka Waita, yemeje aya makuru, nkuko BBC yabitangaje.

Yavuze ko abagize Guverinoma bakwiriye gukingirwa Covid-19 kugira ngo babere abandi baturage urugero.

Kenya iri mu cyiciro cya gatatu cy’ubwiyongere bukabije bwa Coronavirus, nyuma y’uko kuri uyu wa Gatatu hatangajwe imibare myinshi y’abanduye bashya.

Abantu 126.000 ni bo bamaze kwandura Coronavirus muri Kenya, mu gihe 2092 bapfuye.

Ku wa Kabiri ni bwo Ihuriro ry’Abaganga muri Kenya ryatangaje ko ibitanda by’abarwayi ba Covid-19 barembye byabaye bike kubera ubwinshi bwabo mu bitaro. Bavuze ko n’abakora mu rwego rw’ubuzima bari kwandura ku bwinshi.

Perezida Uhuru Kenyatta yategetse ko abagize Guverinoma ye bakingirwa Covid-19

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .