Kwamamaza

Kenya: Abagore batatu bakekwaho gukorana na Al-Shabaab bishwe

Yanditswe kuya 11-09-2016 saa 18:35' na Niyonsenga Schadrack


Polisi yo muri Kenya yatangaje ko yishe abagore batatu bageragezaga kugaba igitero ku biro byayo biherereye ku cyambu cya Mombasa.

Aba bagore bari bambaye imyambaro ihisha isura iranga abo mu idini ya Islam binjiye kuri sitasiyo ya Polisi ya Mombasa bavuga ko bafite ikirego cya telefone yavuze bashaka gutanga.

Umwe muri aba bagore yakuyemo icyuma yari afite naho mugenzi we atera igisasu gituritswa na peteroli batangira gutwika iyo sitasiyo, abapolisi babiri barakomereka.
Uwabibonye yabwiye Ibiro Ntaramakuru by’Abafaransa, AFP ko bavugaga ngo Allahu Akbar (Imana niyo nkuru, mu cyarabu).

Kugeza ubu nta ruhande rurigamba kuba inyuma y’iki gitero gusa biracyekwa ko cyaba gifitanye isano n’ibindi bitero by’intagondwa zo mu mutwe wa Al-Shabaab kuko zisanzwe zibasira Kenya.

Al-Shabaab yatangiye kugaba ibitero muri Kenya kuva mu 2011 ubwo iki gihugu cyafataga icyemezo cyo kohereza ingabo zijya gufasha Somalia guhashya uyu mutwe w’iterabwoba.

Kuva icyo gihe uyu mutwe w’iterabwoba wa Al-Shabaab winjije mu gisirikare cyawo abanyakenya benshi cyane cyane abaturiye icyambu cya Mombasa.

Al-Shabaab yigambye ko ari yo yagabye igitero kuri Kaminuza ya Garissa muri Mata 2015 aho abagera 147 bishwe, ndetse no mu bwicanyi bwabereye mu nyubako y’ubucuruzi ya Westgate mu mwaka wa 2013 bugahitana abantu 68.

Aho Polisi yarasiye aba bagore bashyizwe ibirango
Inyubako ya Polisi aba bagore bashakaga gutwika

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 28 September 2016
Copyright © 2009 -2014 - IGIHE Ltd - All Rights Reserved