Jean Pierre Bemba yajuririye igifungo cy’imyaka 18 yakatiwe

Yanditswe na Philbert Girinema
Kuya 28 Nzeri 2016 saa 04:12
Yasuwe :
0 0

Uwahoze ari Visi Perezida wa Repubulika Iharanira Demokarasi ya Congo, Jean Pierre Bemba, yajuririye igifungo cy’imyaka 18 aherutse gukatirwa n’Urukiko Mpuzamahanga Mpanabyaha, ICC, avuga ko urubanza rwe rwagaragayemo amakosa menshi.

Kuri uyu wa Gatatu tariki 28 Nzeri 2016, abunganira Bemba batangarije AFP ko mu cyumweru gishize aribwo yatanze ubujurire bwe ku gifungo yakatiwe muri Kamena uyu mwaka.

Bemba yahamijwe ibyaha by’intambara n’ibyibasiye inyokomuntu byakorewe muri Centrafrique n’inyeshyamba yari ayoboye zibumbiye mu mutwe wa MLC hagati y’umwaka wa 2002 na 2003.

Ashinjwa kuba ntacyo yakoze ngo abuze abarwanyi yari ayoboye kwica no gufata ku ngufu abagore n’abakobwa. Urubanza rukimara gusomwa abunganira Bemba ntibahise bajurira ariko batangaje ko bazabikora bidatinze.

Urubanza rwa Bemba rwatangiye kuburanishwa mu mwaka wa 2010, yakomeje guhakana ibyaha aregwa avuga ko bigomba kubazwa abahoze ku butegetsi muri Centrafrique kuko abarwanyi be bari abacanshuro.

Jean-Pierre Bemba, w’imyaka 53 yabaye Visi Perezida mu mwaka wa 2003 nyuma y’amasezerano y’amahoro, atsindwa na Joseph Kabila mu matora yo guhatanira umwanya w’Umukuru w’Igihugu mu mwaka wa 2006.

Muri 2007 nibwo yahungiye mu Bubiligi nyuma y’imirwano yabereye i Kinshasa, aza gutabwa muri yombi mu mwaka wa 2008 i Bruxelles ashyikirizwa ICC.

Jean Pierre Bemba yajuririye igifungo cy’imyaka 18 yakatiwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244