Kwamamaza

Itegeko rikumira imyenda migufi ryateje impagarara i Burundi

Yanditswe kuya 24-08-2016 saa 14:47' na Rabbi Malo Umucunguzi


Umushinga w’Itegeko rigamije gukumira ihohoterwa rishingiye ku gitsina mu Burundi, wemejwe Sena y’icyo gihugu ku wa 18 Kanama 2016, hashimangirwa ko imyambaro irarura abantu ishobora kugira uruhare mu gutiza umurindi ihohoterwa ku muntu uyambaye.

Benshi batangiye gushyira mu majwi ko hari abari gutabwa muri yombi na polisi yatangiye gushyira mu bikorwa itegeko ritarashyirwaho umukono.

Umwe mu bamotari mu Burundi yabwiye Jeune Afrique ati ‘‘Abakobwa batandatu baheruka gutabwa muri yombi kuri Lacoste Beach, (umucanga uherereye mu majyepfo ya Bujumbura) bazira kwambara udupantaro tubafashe cyane n’utujipo tugufi.”

Mu gutebya kwinshi, yakomeje agira ati ‘‘Twe abamotari tugiye kuba turuhutse abapolisi. Bazatugarukaho bamaze kwaka amafaranga 2000 abo bakobwa [Ni inoti abashoferi bakunda guha abapolisi ngo babibohoreho].’’

Abandi batanze ubuhamya kandi bavuze ko hari abantu batandukanye batawe muri yombi, ndetse ku mbuga nkoranyambaga bakavuga ko igipolisi cyoherezwa mu bikorwa nk’imyigaragambyo ari cyo kiri gufata bene abo bantu.

Gusa guverinoma y’u Burundi ivuga ko nta ngingo ivuga by’umwihariko ku mapantalo afashe abakobwa cyangwa utujipo tugufi, ahubwo ni imyambaro igayitse yambika abantu ubusa.

Minisitiri w’Ushinzwe uburenganzira bwa muntu n’uburinganire, Martin Nivyabandi ari na we washyikirije Inteko Ishinga Amategeko uwo mushinga w’itegeko, yavuze ko ababivuga ari abashaka kwangiza gahunda z’iyi minisiteri, mu butumwa yanyujije kuri Facebook ku Cyumweru tariki 21 Kanama.

Ati “Nyuma y’itorwa ry’umushinga w’itegeko ku ihohoterwa rishingiye ku gitsina (VSBG, violences sexuelles basées sur le genre), amakuru atari yo ahanini agamije inabi, ashaka guca intege uwo mushinga. Nta ngingo n’imwe ivuga ku majipo magufi n’amapantaro abafashe, ahubwo ni imyambaro ishobora kubangamira abandi.”

Pamela Mubeza uyobora umuryango w’abakobwa babyaye ariko batabana n’abagabo, (Single mother association asbl, SMO), we yibajije umuntu uzagenzura iyo myambaro n’icyo azagenderaho.

Ati ‘‘Birababaje kuba buri munsi batora amategeko atanga amabwiriza ku mubiri w’abagore. Ahubwo bakwiye kwigisha abagabo kububaha aho gukomeza no kubangamira uburenganzira buke bari bifitiye.’’


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Tuesday 27 September 2016
Copyright © 2009 -2014 - IGIHE Ltd - All Rights Reserved