Ingendo z’indege zigana Tripoli zahagaritswe kubera impamvu z’umutekano

Yanditswe na Iradukunda Serge
Kuya 3 Nzeri 2019 saa 07:10
Yasuwe :
0 0

Ikigo gishinzwe indege za Gisivile muri Libya, cyatangaje cyahagaritse urujya n’uruza rw’indege ku kibuga mpuzamahanga cya Mitiga giherereye mu murwa mukuru w’iki gihugu Tripoli, kubera impamvu z’umutekano.

Izi mpinduka zije mu gihe kitageze ku masaha 48 ikibuga mpuzamahanga cy’indege cya Mitiga cyibasiwe n’ibitero by’abiyahuzi byakomerekeje benshi bikangiza n’indege imwe.

Umuyobozi mukuru w’iki kigo Nasruddin Shaeb Al-Ain yabwiye ibiro Ntaramakuru by’Abashinwa ’Xinhua’ ko indege zagwaga cyangwa zigahagurukira kuri iki kibuga zimuriwe ku kibuga mpuzamahanga cya Misurata giherereye Iburasirazuba bw’umurwa mukuru Tripoli, mu ntera ya kilometero 200.

Umuryango w’Abibumbye ushinzwe kubungabunga umutekano muri Libya (United Nations Support Mission in Libya) mu itangazo washyize hanze wamaganye iki gikorwa cy’iterabwoba uvuga ko kigamije guteza umutekano muke no guhungabanya abaturage.

Ati “Iyi ni inshuro ya 7 ikibuga cy’indege cya Mitiga kibasirwa n’ibikorwa by’iterabwoba bitarobanura, uhereye mu mpera za Nyakanga 2017, ibi bikorwa bigamije kubiba ubwoba, guteza imvururu ndetse no guhagarika imirimo kuri iki kibuga cy’indege cyari gisigaye ari cyo cyonyine gikora mu murwa mukuru Tripoli”.

Izi ntumwa za Loni zagiye mu bitero byo kurwanya abarwanyi bo mu Burasirazuba bashaka guhirika ubutegetsi no kwigarurira umujyi wa Tripoli.

Libya yoretswe n’imvururu n’umutekano muke kuva ubutegetsi bwa Muammar Gaddafi bwahirima mu 2011, ndetse akanicwa.

Urujya n’uruza rw’indege ku kibuga mpuzamahanga cya Mitiga rwahagaritswe igihe kitazwi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza