00:00:00 IGIHE NETWORK KN KINYARWANDA EN ENGLISH FR FRANCAIS

Ingabo z’u Rwanda zibungabunga amahoro muri Sudani y’Epfo zafashije abana bakuwe mu byabo n’intambara

Yanditswe na Mutangana Gaspard
Kuya 7 Gicurasi 2021 saa 09:34
Yasuwe :
0 0

Kuri uyu wa Gatanu tariki ya 7 Gicurasi, ingabo z’u Rwanda ziri mu butumwa bwo kubungabunga Amahoro muri Sudani y’Epfo (UNMISS) zahaye ibikoresho by’ishuri abanyeshuri bo mu nkambi mu Mujyi wa Juba.

Ingabo z’Umuryango w’Abibubye ziri mu butumwa bw’amahoro muri Sudani y’Epfo (UNMISS) , zashimiye ingabo z’u Rwanda ubufasha zahaye aba banyeshuri, zibinyujije kuri Twitter.

Aba banyeshuri bahawe ibikoresho birimo amakayi, ni abahungiye imbere mu gihugu bitewe n’umutekano muke uri muri Sudan y’Epfo, ariko bakaba bari kumwe n’abarimu babo mu nkambi.

Uretse guhabwa ibikoresho byo mu ishuri, bahawe udupfukamunwa, banakangurirwa kurushaho kwirinda Covid-19.

Hejuru yo kubungabunga umutekano, ingabo z’u Rwanda ziri mu butumwa bw’amahoro muri Sudani y’Epfo zigira uruhare mu bikorwa bitandukanye byo gufasha abaturage bo muri iki guhugu nko kububakira, gutanga ubuvuzi n’ibindi.

Kugeza ubu u Rwanda rufite batayo eshatu z’abasirikare bari mu butumwa bwo kugarura amahoro muri Sudani y’Epfo ndetse n’itsinda ry’abandi bakoresha indege.

Abana batewe inkunga ni abahungiye imbere mu gihugu bari kumwe n'abarimu mu nkambi mu Mujyi wa Juba
Inzabo z'u Rwanda ziri mu butumwa bw'amahoro muri Sudani y Epfo zambitse abana udupfukamunwa zinabakangurira kurushaho kwirinda Covid -19
Hatanzwe ibikoresho bitandukanye
Abana biga mu mashuri abanza muri Sudani y'Epfo bahawe ibikoresho byo mu ishuri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .