00:00:00 IGIHE NETWORK KN KINYARWANDA EN ENGLISH FR FRANCAIS

Ingabo z’u Burundi n’iza RDC zakozanyijeho, hapfa babiri

Yanditswe na Bukuru JC
Kuya 8 Nzeri 2021 saa 09:32
Yasuwe :
0 0

Abasirikare babiri ba Repubulika Iharanira Demokarasi ya Congo baguye mu mirwano yabashyimiranyije n’Ingabo z’u Burundi ku kiyaga cya Tanganyika.

AFP yatangaje ko imirwano yabaye mu ijoro rishyira kuwa Kabiri, yaturutse ku kutumvikana ku mpande zombi mu ngabo zari ku burinzi muri icyo kiyaga.

Umuvugizi w’Ingabo za Congo, Dieudonné Kasereka yavuze ko byanatewe n’umwijima kuko bwari bwije.

Ati “Ingabo za Congo zari ziri ku burinzi ari ubwo ingabo zirwanira mu mazi z’u Burundi zabitiranyije n’amabandi.”

Uretse abapfuye, hari abandi basirikare babiri ba Congo bafashwe n’ingabo z’u Burundi.

Leta y’u Burundi yo yahakanye umubare w’abasirikare bapfuye ndetse n’icyatumye iyo mirwano iba. Yavuze ko yishe amabandi atari abasirikare ba Congo.

Tanganyika ni ikiyaga cya kabiri mu bunini muri Afurika. Gikora ku bihugu nka RDC, Burundi, Zambia na Tanzania.

Ingabo za Congo zitiranyijwe n'amabandi, haraswamo babiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .