Indege yajyaga mu bikorwa byo kwiyamamaza bya Perezida Kenyatta yaguye mu kiyaga

Yanditswe na Jean Pierre Tuyisenge
Kuya 21 Ukwakira 2017 saa 06:32
Yasuwe :
0 0

Indege yari igiye mu bikorwa byo kwiyamamaza bya Perezida Uhuru Kenyatta yaguye mu kiyaga cya Nakuru hashize umwanya muto ihagurutse kuri hoteli iri muri uwo mujyi.

Umuyobozi wa Polisi muri ako gace, Joshua Omukata, yemeje iby’ayo makuru, avuga ko bategereje ubwato kugira ngo bujye mu bikorwa by’ubutabazi muri icyo kiyaga.

Daily Monitor ivuga ko iyo ndege yari irimo abantu batanu bagiye mu gace ka Mau Narok. Umusenateri uhagarariye uwo mujyi, Susan Kihika yavuze ko batatu muri abo ari abo mu itsinda rye rishinzwe itumanaho.

Byari biteganyijwe ko iyo ndege ijyana abanyamakuru benshi ahari hari kubera ibyo bikorwa byo kwiyamamaza.

Ibikorwa byo gutabara byamaze amasaha asaga ane bitarangira nyuma y’uko iguye mu mazi kuko nta bwato bwari hafi aho. Abatabazi babanje gutegereza ubwato bwagombaga gukurwa mu kiyaga cya Naivasha.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza