Indege y’igisirikare cya Nigeria yaburiwe irengero

Yanditswe na Bukuru JC
Kuya 1 Mata 2021 saa 12:22
Yasuwe :
0 0

Ishami ry’ingabo zirwanira mu kirere mu gisirikare cya Nigeria ryatangaje ko imwe mu ndege zaryo yaburiwe irengero nyuma y’uko itumanaho ry’abapilote bari bayitwaye n’abashinzwe ubugenzuzi rihagaze.

Ushinzwe inozabubanyi muri iryo shami, Edward Gabkwet yavuze ko iyo ndege yari iri mu butumwa busanzwe bwo gutera inkunga ingabo zoherejwe mu Majyaruguru ashyira Uburasirazuba bw’igihugu, guhashya imitwe yitwaje intwaro.

Yavuze ko hatangijwe igikorwa cyo gushakisha iyo ndege ngo bamenye aho yarengeye, nkuko BBC yabitangaje.

Si ubwa mbere indege z’igisirikare cya Nigeria zihura n’ibibazo ziri mu kirere kuko no muri Gashyantare uyu mwaka, hari iyahitanye abasirikare barindwi nyuma y’uko imwe muri moteri zayo zinaniwe gukora iri mu kirere.

Igisirikare cya Nigeria cyatangiye gushakisha indege yacyo yaburiwe irengero

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .