00:00:00 IGIHE NETWORK KN KINYARWANDA EN ENGLISH FR FRANCAIS

Indege nshya ya Perezida yarikoroje muri Sénégal

Yanditswe na Bukuru JC
Kuya 26 Gicurasi 2021 saa 02:06
Yasuwe :
0 0

Abaturage n’imiryango itegamiye kuri Leta muri Sénégal bariye karungu, basaba ibisobanuro Guverinoma nyuma yo gutangaza ko Perezida agiye kugurirwa indege nshya ariko ibiciro byayo ntibitangazwe.

Biteganyijwe ko indege nshya Perezida azajya agendamo izagera mu gihugu tariki 16 Nyakanga 2021. Ni indege yo mu bwoko bwa Airbus A320 Neo.

Umuvugizi wa Guverinoma, Oumar Guèye, yavuze ko indege Perezida yari asanzwe agendamo ya Airbus A319 ishaje ku buryo kuyikoresha byabahendaga cyane.

Abatavuga rumwe na Leta n’imiryango itegamiye kuri Leta yatangaje ko nta banga rikwiriye kuba mu kugura indege ya Perezida ariyo mpamvu amafaranga izagurwa akwiriye gutangazwa.

Nubwo byasabwe na benshi, BBC yatangaje ko Guverinoma yirinze kugira amakuru ishyira hanze ajyanye n’ibiciro.

Hari imiryango yatangaje ko Leta ifite ibindi yakabaye ishyiramo amafaranga kurusha kugurira Perezida indege birimo nk’ibiribwa, amazi, umuriro n’ibindi byangombwa.

Indege Perezida wa Sénégal yagendagamo yari ishaje cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .