00:00:00 IGIHE NETWORK KN KINYARWANDA EN ENGLISH FR FRANCAIS

Amerika irashaka kwagura ubufatanye na Afurika, Umugabane u Bushinwa bufitemo izina rikomeye

Yanditswe na Umwali Zhuri
Kuya 20 Ugushyingo 2021 saa 10:04
Yasuwe :
0 0

Inama mpuzamahanga ihuza abayobozi b’ibihugu bya Afurika na Leta Zunze Ubumwe za Amerika igiye kuba ku nshuro ya kabiri, nyuma y’imyaka umunani idakorwa.

Iyi nama izaba umwaka utaha, igamije kwereka Afurika ko Amerika igishyigikiye ubufatanye n’uyu Mugabane, nyuma y’uko icyo gihugu gishinjwe kuwirengagiza mu bihe cyari kiyobowe na Perezida Donald Trump.

Amatariki iyi nama izabera ntaramenyekana, uretse ko byemejwe ko izakorwa umwaka utaha. Izaba ibaye iya kabiri ikozwe kuko iya mbere yari yabaye mu 2014 ku ngoma ya Barack Obama.

Mu kimeze nko kwisegura, Umunyamabanga wa Leta Zunze Ubumwe za Amerika, Antony Blinken uri mu ruzinduko muri Afurika, yavuze ko Amerika yifuza gufata Afurika nk’umufatanyabikorwa, aho ‘gushyirwa hasi nk’uko byakunze kugenda.’

Uyu muyobozi yavuze ko Amerika ifite ubushobozi bwo guha Afurika ibyo ikenera ahandi, asobanura ko ibihugu bikwiye kwitondera inguzanyo bifata zishorwa mu mishinga idatanga inyungu ku baturage kandi ikazaba umutwaro munini mu gihe cyo kuyishyura.

Uyu muyobozi kandi yavuze ko Amerika itifuza guha Afurika amabwiriza yo kubahiriza, ahubwo ko yifuza guha uyu Mugabane andi mahitamo y’iterambere, uretse koi bi bitavuze guhitamo uruhande rumwe ukirengagiza urundi.

Blinken kandi yavuze ko impande zombi zishobora gukorana mu kuzahura demokarasi iri mu kaga, asobanura ko ikibazo cy’ihungabana ry’aya mahame kitari muri Afurika gusa, ahubwo kiri no muri Amerika ubwaho.

Yasabye ko impande zose zikwiriye guharanira ko ayo mahame adahungabana, ati “Dukwiye kwerekana ko demokarasi ishobora guha abaturage icyo bashaka, bigakorwa vuba kandi binyuze mu mucyo.”

Blinken amaze iminsi muri Afurika aho yasuye ibihugu birimo Kenya, Nigeria ndetse na Senegal azasorezamo urugendo rwe.

Umunyamabanga wa Leta Zunze Ubumwe za Amerika amaze iminsi mu rugendo rw’akazi muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .