Impande zombi zaba zemeranyijwe kurekera Kabila ku butegetsi kugeza mu 2018

Yanditswe na Philbert Girinema
Kuya 17 Ukwakira 2016 saa 07:00
Yasuwe :
0 0

Ibiganiro hagati ya Leta n’abatavuga rumwe na yo ku matora muri Repubulika Iharanira Demokarasi ya Congo birasatira umusozo, nyuma y’aho impande zombi zemeranyijwe ko Perezida Kabila aguma ku butegetsi kugeza igihe hazabera amatora y’uzamusimbura.

Radio Okapi itangaza ko inama yatumijwe n’Umuhuza Edem Kodjo kuwa 15 Ukwakira i Kinshasa, Thambwe Mwamba Uwungirije Umuhuza yatangaje ko impande zamaze kumvikana kuri zimwe mu ngingo zari ziteye ikibazo.

Nubwo yirinze kugira byinshi abivugaho, yatangaje ko ibyumvikanyweho bizashyirwa ku mugaragaro mu biganiro rusange byo kuri uyu wa Mbere mbere y’uko bitangarizwa abanyamakuru.

Thambwe Mwamba yagize ati “Umuhuza yatubwiye ku byagezweho n’ibiganiro mu matsinda yari yashyiriweho kwiga ibibazo byari bisigaye bitavugwaho rumwe. Mu kuri, ayo matsinda yatumye tugera ku myanzuro ishimishije ituma twizera ko ibiganiro byacu bigiye kugera ku byo twifuzaga.”

Yakomeje avuga ko nta gishya mu kuba iyo myanzuro igomba kubanza gushyikirizwa inama rusange y’ibiganiro.

Hashize iminsi impande zombi mu biganiro zishakisha imyanzuro yazasinyirwa mu ruhame, ubu zikaba zemeranyijwe gushyiraho Guverinoma y’Ubumwe irangajwe imbere na Perezida Joseph Kabila, igomba kuyobora RDC kugeza igihe hazabera amatora y’Umukuru w’Igihugu.

Ubutegetsi bwa RDC buzaba buyobowe na Kabila nka Perezida, Minisitiri w’Intebe akaba agomba kuva mu batavuga rumwe n’ubutegetsi, bakazayobora kugeza muri Mata 2018 ubwo hazaba haba amatora y’Umukuru w’Igihugu.

Impande zombi zigeze ku musozo w'ibiganiro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza