00:00:00 IGIHE NETWORK KN KINYARWANDA EN ENGLISH FR FRANCAIS

Impamvu y’urupfu rwa Maj Gen Lokech ikomeje gushidikanywaho

Yanditswe na Muhonzire Sylvine
Kuya 30 Kanama 2021 saa 09:35
Yasuwe :
0 0

Impamvu y’urupfu rw’Umuyobozi wungirije wa Polisi muri Uganda, Maj Gen Paul Lokech, ikomeje gushidikanywaho na benshi nyuma y’uko ibihuha byacaracaye ku mbuga nkoranyambaga akimara gupfa byahuye neza n’ibyavuye mu iperereza ry’icyamwishe [Autopsy].

Kuwa 21 Kanama nibwo Maj Gen Lokech yitabye Imana aguye mu rugo rwe mu buryo butunguranye, bituma Umuyobozi Mukuru wa Polisi ya Uganda, Martin Okoth Ochola, ategeka ko hakorwa isuzuma rigaragaza icyamwishe.

Mbere y’uko hakorwa iri suzuma, ku mbuga nkoranyambaga hari hari gucaracara amakuru y’uko yishwe no kuvura kw’amaraso, biza guhura neza n’ibisubizo byavuye mu iperereza ry’icyamwishe byatumye benshi bagwa mu kantu bibaza uko abantu bamenye impamvu y’urupfu rwe mbere y’uko igaragazwa.

Itangazo rya Polisi yo muri Uganda rivuga ko uko kuvura kw’amaraso kwatewe n’imvune yari afite mu igufa rihuza ukuguru n’ikirenge ku ruhande rw’iburyo.

Iri tangazo rikomeza rivuga ko isuzuma ku rupfu rwe ryakozwe n’abaganga bane bazobereye mu gupima ingingo z’umubiri bari kumwe n’Umuyobozi mukuru ushinzwe serivisi z’ubuvuzi mu gisirikare cya Uganda, Brig Gen Dr Stephen Kusasira, umuganga wamuvuraga, Ben Khiingi ndetse n’abandi babiri bo mu muryango we.

Nubwo polisi yatangaje ko iperereza ku rupfu rwe ryakorewe imbere y’abantu batandukanye, benshi bakomeje kubishidikanyaho, kuko impamvu yamenyekanye mbere ya Autopsy.

Maj Gen Lokech yashyinguwe ku itariki 27 Kanama 2021, yari amaze amezi umunani gusa agizwe Umuyobozi wungirije wa Polisi avuye mu gisirikare cya Uganda.

Yemenyekanye cyane ubwo yari umuyobozi w’ingabo zarwanyaga umutwe w’iterabwoba wa Al-Shabaab muri Somalia, aho bakundaga kumwita ‘Intare ya Mogadishu’.

Impamvu y'urupfu rwa Maj Gen Lokech ikomeje gushidikanywaho

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .