Kwamamaza

Imodoka 11 zihenze z’umuhungu wa Perezida wa Guinea zafatiwe mu Busuwisi

Yanditswe kuya 4-11-2016 saa 08:24' na Rabbi Malo Umucunguzi


Ubuyobozi bw’u Busuwisi bwagwatirije imodoka 11 zihenze cyane za Teodorin Nguema Obiang, umuhungu wa Perezida wa Equatorial Guinea, Teodoro Obiang Nguema Mbasogo, mu gihe akomeje gukorwaho iperereza ku byaha bya ruswa no kunyereza umutungo.

Teodorin akurikiranwa n’ibihugu bitandukanye bimushinja kunyereza amafaranga y’igihugu cye akayajyana mu mahanga kugura imodoka zihenze cyane, indege ye bwite imutwara, adasize n’ibintu by’agaciro birimo akantu gafubika intoki kambarwaga n’umunyabigwi mu njyana ya Pop, Michael Jackson, bivugwa ko yishyuye $500 000.

Equatorial Guinea ni igihugu cya gatatu muri Afurika mu gucukura peteroli nyinshi, ariko imibare yerekana ko igice kinini cy’abaturage 740.000 bagituye baba mu bukene.

Nk’uko Associated Press yabitangaje, Umuvugizi w’Ubushinjacyaha mu Busuwisi, Henri Della Casa yavuze ko izi modoka za Theodorin zafashwe kuwa Mbere ubwo zari ku kibuga cy’indege cya Genève.

Mu maforo yasohowe n’ikinyamakuru L’Hebdo cyo mu Busuwisi, hagaragaramo iyo mu bwoko bwa Bugatti Veyron aho buri imwe ifite agaciro karenga miliyoni ebyiri z’amayero, Porsche 918 Spyder imwe igura €750,000 n’izindi za Ferrari F12.

Teodorin Obiang Nguema w’imyaka 47, muri Kamena yazamuwe mu ntera na Se amugira Visi Perezida we, mu gihe ibihugu nk’u Bufaransa bimutegereje mu rukiko umwaka utaha kubera ibyaha akekwaho byo kunyereza umutungo, n’ubwo amahirwe y’uko azitaba ari make cyane.

Mu 2012 nibwo u Bufaransa bwamushyiriyeho impapuro zo kumuta muri yombi, ndetse bugwatiriza umuturirwa we uri i Paris n’izindi modoka ze zihenze nyinshi.

Obiang kandi aherukaga gukurikiranwa na Leta Zunze Ubumwe za Amerika ku byaha byo kunyereza umutungo, kugeza ubwo mu 2014 yemeye guhara inyubako ya miliyoni $30 yari atunze mu gace ka Malibu muri California.
Washington yavugaga ko Obiang yahawe na guverinoma umushahara wa $100,000 ariko imitungo ye ikisanga muri miliyoni $300 binyuze muri ruswa no kunyereza umutungo w’igihugu.

Perezida Teodoro Obiang Nguema Mbasogo wa Equatorial Guinea amazeho imyaka 37 ku butegetsi kuko yabugiyeho mu 1979, akaba ari we uyoboye igihe kinini imbere ya Robert Mugabe wa Zimbabwe umaze 29.

Imodoka zafashwe bamukekaho kunyereza umutungo
Imodoka zihenze 11 zafatiwe ku kibuga cy'indege cya Genève
Umuhungu wa Perezida wa Guinea akurikiranyweho kunyereza umutungo
Teodorin Obiang ategerejwe mu rukiko mu Bufaransa umwaka utaha

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved