00:00:00 IGIHE NETWORK KN KINYARWANDA EN ENGLISH FR FRANCAIS

Igisirikare cya Congo cyishe abarwanyi icumi ba ADF

Yanditswe na Sibomana Patrick
Kuya 11 Gicurasi 2021 saa 11:43
Yasuwe :
0 0

Igisirikare cya Repubulika Iharanira Demokarasi ya Congo, FARDC cyatangaje ko kivuganye abarwanyi icumi bo mu mutwe wa ADF ubarizwa mu Burasirazuba bw’icyo gihugu.

Hashize iminsi mu Burasirazuba bwa Congo hashyizweho ibihe bidasanzwe ndetse ubuyobozi buhabwa abasirikare by’igihe gito kugira ngo bahangane n’imitwe yitwaje intwaro ihamaze imyaka isaga 25.

Umuvugizi w’ingabo mu Ntara ya Kivu y’Amajyepfo Antony Mualushayi, yatangaje ko igisirikare cya Leta cyivuganye abagera ku icumi mu mitwe yitwaje intaro bo muri ADF mu gace ka Rwenzori.

Uyu muvugizi yongeyeho ko barajwe inshinga n’umutekano w’abaturage no kurandura burundu ikibazo cy’imitwe yitwaje intwaro irimo ADF igizwe n’abakomoka muri Uganda.

Umutwe wa ADF wageze mu Ntara y’Iburasirazuba bwa Congo mu mwaka 1995. Ushinjwa kwica ibihumbi by’abaturage b’abasivile mu Burasirazuba bwa Congo, gufata abagore n’abakobwa ku ngufu no gukura ibihumbi by’abaturage mu byabo.

Igisirikare cya Congo cyishe abarwanyi icumi ba ADF mu Burasirazuba bw'igihugu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .