Ibidasanzwe 10 wamenya kuri Aliko Dangote, umuherwe wa mbere muri Afurika

Yanditswe na Evariste Nsengimana
Kuya 9 Nyakanga 2019 saa 09:51
Yasuwe :
0 0

Muri Werurwe uyu mwaka, Ikinyamakuru cyo muri Amerika Forbes Magazine cyandika ku bukungu, cyashyize Aliko Dangote ku mwanya wa mbere ku Isi mu birabura bafite amafaranga menshi kurusha abandi mu myaka 11 ishize.

Niwe wari ku isonga ry’abirabura 13 bari ku rutonde rw’abaherwe 2153 ku Isi kuko yari afite umutungo ungana na miliyari 10.9$, agakurikirwa na mugenzi we wo muri Nigeria, Mike Adenuga wari ufite asaga miliyari 9.1$.

Aliko Dangote ni umunyemari wo muri Nigeria ufite ikigo cy’ubucuruzi cyitwa Dangote Group. Yavukiye i Kano muri Nigeria ku wa 10 Mata 1957, ubu afite imyaka 62 y’amavuko.

Ibidasanzwe 10 wamenya kuri Aliko Dangote

Ikinyamakuru Jeune Afrique cyakusanyije urutonde rw’ibintu 10 byakunze kuranga uyu muherwe wa mbere ukomoka ku mugabane wa Afurika.

Yibana yarashatse inshuro ebyiri

Aliko Dangote aribana ariko yashatse inshuro ebyiri abyara abana bagera kuri batanu barimo abakobwa bane n’umuhungu umwe (Mariya, Halima, Fatima Bello, Fatima Abubakar) n’umwana arera witwa Abdulrahman Fasasi.

Ashyira imbere ibimufitiye inyungu

Mu bukwe bw’umukobwa we Fatima Abubakar bwabaye muri Werurwe 2018, uyu muherwe yatunguranye ubwo ameza y’abanyacyubahiro yicayeho yari akikijwe n’abandi banyacyubahiro barimo Perezida wa Ghana Nana Akufo-Addo, Jakaya Kikwete wahoze ayobora Tanzania, umufasha wa Perezida wa Nigeria Aisha Buhari, Bill Gates na Jim Ovia.

Ariko nta bandi bantu bashatse bari bicaye ku yandi meza.

Ntarya iminwa

Uyu muherwe yakunze kugaragaza ibitekerezo by’ubushotoranyi birwanya politiki ya Perezida wa Benin, Patrice Talon, ikumira ko bimwe mu bicuruzwa birimo sima n’isukari bivayo byinjizwa muri Nigeria.

Yavuze ko ‘Nta gihugu cyagira amahoro gifite umuturanyi nka Benin’. Uyu muherwe yavuze ko politiki y’iki gihugu ibangamira ibikorwa by’ Umuryango w’Ubukungu bw’Ibihugu bya Afurika y’Iburengerazuba, ECOWAS, bigamije koroshya ubuhahirane hagati y’ibihugu bigize ako karere.

Anezezwa no kuba iwe

Uyu muherwe ari mu bakoresha cyane indege zabo bwite ku Isi. Ntabwo akunze kumara igihe kirekire aho yagiye kuko akenshi akunda kuruhukira mu rugo rwe. Urugendo aheruka kugirira i Paris, yahagurutse i Lagos saa kumi z’umugoroba agerayo saa yine. Icyo gihe yahavuye ku mugoroba. Ntabwo ari ikintu kidasanwe kuri we kuko yigeze no kujya mu Bushinwa akagaruka muri Nigeria mu masaha 36.

Anyurwa n’umutungo afite

Mu gihe usanga nta muntu ukunze kwemera ko afite amafaranga, Aliko Dangote we siko ateye.

Yigeze kuvuga ati “Iyo mfite miliyoni 10$ kuri konti yanjye, ndazibikuza nkazitwara iwanjye muri varize, nagera mu cyumba nkazireba nkavuga nti ‘ubu mfite amafaranga’ umunsi ukurikiraho nkazifata nkazisubiza kuri Banki.”

Ntiyigaragaza nk’umuherwe

Mu gihe abandi baherwe usanga ibikorwa byaho nk’inzu babamo cyangwa bakoreramo zihorana isura nshya, ibiro bya Dangote biri ku nyubako ya 10 y’umuturirwa asangiye n’umuvandimwe we Sani mu gace ka Ikoyi ntabwo bitatse neza nta n’irangi bigaragza ko ari iy’abaherwe biyigaragaraho.

Azi kubyaza inyungu imitungo

Mu 2012 Dangote yagurishije 63.35% by’imigabane yari afite mu ruganda Dangote Flour Mills Plc ku madolari miliyoni 200$, nyuma y’imyaka itatu yongera kurugura agaciro karwo kamanutse bifatika. Uru ruganda ubu rushobora kugurwa n’ikigo cyo muri Singapore cyitwa Olam kuri miliyoni zisaga 358$.

Yahawe umwanya ukomeye muri Nigeria

Mu 2011 Perezida Goodluck Jonathan yagiriye icyizere Dangote, amuha kuyobora umwanya wa kabiri mu ikomeye muri Niger.

Ari mu bavuga rikijyana

Mu 2014 umuherwe Dangote yatumye Nigeria ihindura amabwiriza y’ubuziranenge bituma ibicuruzwa by’ikigo Lafarge-Holcim, bari bahanganye bihagarikwa, bishinjwa ko bidashobora guhangana ku isoko ry’u Burayi.

Ntatuza iyo abuze icyo yifuza

Uyu muherwe afatwa nk’ushobora kugirwa imbata cyangwa kumva atabonye ikintu runaka yabuze amahoro. Mu myaka ishize yigeze gutangira igikorwa cyo kujya kwinanura mu mazi yo mu mujyi wa Milan mu Butaliyani, nyuma y’iminsi itatu ahavuye yongera kuhagaruka avuga ko yumva ananiwe.

Aliko Dangote niwe mukire wa mbere muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza