00:00:00 IGIHE NETWORK KN KINYARWANDA EN ENGLISH FR FRANCAIS

Hissène Habré wahoze ayobora Tchad yapfuye

Yanditswe na Bukuru JC
Kuya 24 Kanama 2021 saa 01:10
Yasuwe :
0 0

Hissène Habré wahoze ari Perezida wa Tchad yaguye mu bitaro i Dakar muri Sénégal afite imyaka 79. Uyu mukambwe yari amaze igihe yarakatiwe burundu ku byaha byibasiye inyokomuntu.

RFI yatangaje ko Hissène Habré yari amaze iminsi arwaye kuko yajyanywe mu bitaro muri uku kwezi nyuma yo kwandura Covid-19.

Hissène Habré yabaye Perezida wa Tchad guhera mu 1982 ubwo yahirikaga ubutegetsi kugeza mu 1990 ubwo na we yabuhirikwagaho na Idriss Déby.

Ubutegetsi bwe bushinjwa kuba bwari bushingiye ku iterabwoba, umuco wo kudahana no kwibasira abatavuga rumwe na Leta, aho byinshi mu byaha yahamijwe byakorwa n’umutwe wamukoreraga ibyo ashaka, Documentation and Security Directorate (DDS).

Komisiyo y’icukumbura ku byaha byakozwe ku butegetsi bwe, yagaragaje ko abaturage basaga ibihumbi 40 bishwe n’inzego za Leta.

Hissène Habré yapfuye amaze igihe akatiwe igifungo cya burundu kubera ibyaha byakozwe ku butegetsi bwe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .