Guverinoma ya Uganda yaciwe $6,700 kubera umuturage wayo wiciwe muri kasho

Yanditswe na IGIHE
Kuya 2 Nyakanga 2019 saa 11:58
Yasuwe :
0 0

Urukiko muri Uganda rwategetse Guverinoma y’iki gihugu kwishyura $6,700 nk’impozamarira ku muryango w’umuturage wakubiswe akanakorerwa iyicarubozo ry’inkazi muri kasho ya polisi kugeza ubwo apfuye.

Iyi mpozamarira igomba guhabwa Joyce Bikyahaga Namata, nyina wa Ronald Bikyahaga wiciwe muri kasho ya polisi y’ahitwa Nabbingo mu 2007.

Uyu mugabo yafatiwe mu cyumba cyerekanirwami filime ajyanwa muri kasho aho bukeye bwaho yasanzwe yapfuye. Umucamanza Musa Ssekaana, yavuze ko polisi ariyo igomba kubibazwa kuko yakoreye iyicarubozo Ronald Bikyahaga, kandi bikaba ari ibikorwa binyuranyije n’itegeko nshinga.

BBC yanditse ko ari ibintu bidasanzwe kubona urukiko rutegeka leta kwishyura impozamarira. Gusa haribazwa niba Guverinoma izishyura izo mpozamarira.

Raporo y’Umugenzuri Mukuru w’imari ya Leta muri Uganda y’umwaka warangiye muri Kamena 2018, yagaragaje ko Guverinoma y’iki gihugu igomba kwishyura miliyoni 176 z’amadolari zategetswe n’inkiko.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza