Gukoresha amashashi byaciwe mu Burundi

Yanditswe na Ferdinand Maniraguha
Kuya 14 Kanama 2019 saa 03:00
Yasuwe :
0 0

Leta y’u Burundi yatangaje ko guhera mu cyumweru gitaha umuntu uzafatwa akoresha amashashi azahanwa.

Guverinoma yaciye amashashi muri Kanama umwaka ushize ariko hatangwa igihe cy’amezi 18 yo kugira ngo abari bararanguye amashashi babanze bayamare mu bubiko.

Amezi yari yatanzwe ntabwo yari yagashize ariko Minisitiri w’Ibudikikije Déo-Guide Rurema yavuze ko bafashe umwanzuro wo guca amashashi burundu bitarenze tariki 22 Kanama uyu mwaka kubera uburyo yakoreshwaga cyane.

Ntabwo yigeze atangaza icyo abazafatwa banyuranyije n’iryo bwiriza bazahanishwa.

Rurema yavuze ko abakoreshaga amashashi mvamahanga yangiza ibidukikije bakwiriye gukoresha ayakorewe imbere mu gihugu atangiza ibidukikije.

Icyakora abaturage bo mu Burundi baganiriye na BBC bavuze ko bitoroshye kubona ibisimbura amashashi bitangiza ibidukikije.

U Burundi buciye amashashi mu gihe ibindi bihugu birindwi mu karere byamaze kuyaca birimo u Rwanda rwayaciye mu 2008, Kenya yayaciye mu 2017 na Tanzania yahagaritse kuyinjiza mu gihugu muri Kamena uyu mwaka.

Porogaramu ya Loni ishinzwe kwita ku bidukikije ivuga ko ibihugu 63 ku isi byamaze guca ikoreshwa ry’amashashi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza