00:00:00 IGIHE NETWORK KN KINYARWANDA EN ENGLISH FR FRANCAIS

Guinée Conakry: Igisirikare cyategetse ko konti za guverinoma zose zifungwa

Yanditswe na Dufitumukiza Salathiel
Kuya 10 Nzeri 2021 saa 03:21
Yasuwe :
0 0

Abayobozi b’igisirikare cya Guinée Conakry kiyoboye igihugu kuva cyahirikaga Perezida Alpha Conde ku butegetsi ku wa 5 Nzeri 2021, bategetse ko konti za guverinoma zose zifungwa harindwa umutekano w’umutungo wa leta.

Reuters yatangaje ko Banki Nkuru y’Igihugu n’izindi zose zasabwe gufunga konti zifite aho zihuriye n’umutungo wa leta kuva ku wa 9 Nzeri 2021.

Umuvugizi w’icyo gisirikare yavuze ko izo konti zirimo izo muri za minisiteri, muri Peresidansi n’imishinga ya Leta, iz’abagize guverinoma yakuweho n’iz’abayobozi bakuru mu bigo by’imari.

Mu cyumweru gishize nibwo igisirikare cyakuye Perezida Conde ku butegetsi ahita anatabwa muri yombi ashinjwa ruswa,guhonyora uburengenzira bwa muntu n’imiyoborere idahwitse.

Amahanga yamaganye icyo gikorwa ndetse asaba ko Perezida Conde yarekurwa mu maguru mashya ariko iminsi itanu irihiritse nta kirakorwa.

Hategerejwe itsinda ry’intumwa z’Umuryango uhuza Ibihugu byo mu Burengerazuba bwa Afurika (ECOWAS) zijya muri icyo gihugu ngo zirebere hamwe n’abo basirikari icyakorwa.

ECOWAS nayo yasabye ko Perezida Conde arekurwa ndetse nyuma y’uko igisirikare cyigarurira ubutegetsi Guinée Conakry yabaye yambuwe ubunyamuryango.

Iminsi itanu irihiritse igisirikare cya Guinée Conakry cyigaruriye ubutegetsi kikanata muri yombi Perezida Alpha Conde

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .