Kwamamaza

Gambia: Perezida Yahya Jammeh yahagaritse ibikorwa byo kwiyamamaza yunamira Castro

Yanditswe kuya 29-11-2016 saa 09:46' na Tombola Felicie


Nubwo amatora y’umukuru w’igihugu muri Gambia ateganyijwe ku wa Kane, tariki ya mbere Ukuboza 2016, Perezida w’icyo gihugu Yahya Jammeh urimo guhatanira manda ya gatanu; yahagaritse ibikorwa byo kwiyamamaza kwe kugeza amatora abaye mu rwego rwo kunamira Fidel Castro uheruka kwitaba Imana.

Fidel Castro wayoboye Cuba imyaka 32 kuva mu 1976 kugeza muri 2008, ndetse agaharanira impinduramatwara mu gihugu, yatabarutse ku wa Gatanu tariki ya 26 Ugushyingo 2016 ku myaka 90.

BBC yatangaje ko ibyo guhagarika kwiyamamaza kwa Perezida Jammeh byemejwe na Minisitiri ushinzwe itumanaho muri Gambia wavuze ko ari icyemezo cyafashwe mu rwego rwo kunamira Fidel Castro inshuti magara y’icyo gihugu.

Perezida Jammeh afashe iki cyemezo nyuma y’uko Cuba yatangije iminsi icyenda, kuva taliki ya 26 Ugushyingo kugeza taliki ya 4 Ukuboza 2016 muri iki gihugu yo guha icyubahiro Fidel Castro.

Cuba ni cyo gihugu cyabaye icya mbere mu kugira ubutwererene mu bya politiki na Gambia nyuma y’uko perezida Yahya Jammey agiye ku butegetsi mu 1994.

Perezida Jammeh yagiranye umubano ukomeye na Castro ndetse n’abayobozi batandukanye bo muri Cuba kuko icyo gihugu cyoherezaga abaganga bakajya gutanga ubuvuzi muri Gambia.

Perezida Jammeh w’imyaka 51 arimo kwiyamamariza kuyobora manda ya gatanu nk’Umukuru w’Igihugu. Kuva yajya ku butegetsi, ku nshuro ya mbere azaba ahanganye n’umukandida umwe mu batavuga rumwe na Leta.

Mu ntangiriro z’uku kwezi, Umuryango mpuzamahanga uharanira uburenganzira bwa muntu, Human Rights Watch, washinje Perezida Jammeh guhohotera abadashyigikiye ko yiyamamariza manda ye ya gatanu.

Uyu muryango wavuze ko babiri mu mpirimbanyi baguye mu buroko mu gihe abandi 12 bafungiwe ahantu bakaba barabuze ubuvuzi ndetse n’ubwunganizi mu by’amategeko.

Indi nkuru wasoma: ibintu 10 wamenya kuri Fidel Castro wafatwaga nk’intwari ikomeye muri Cuba

Perezida wa Gambia yahagaritse ibikorwa byo kwiyamamaza yunamira Fidel Castro wabaye Perezida wa Cuba mu gihe cy'imyaka 32

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved