00:00:00 IGIHE NETWORK KN KINYARWANDA EN ENGLISH FR FRANCAIS

Gahunda yiswe "Digital Africa" yatangijwe na Perezida Macron mu nzira zo guseswa

Yanditswe na Bukuru JC
Kuya 20 Mata 2021 saa 01:42
Yasuwe :
0 0

Bidateye kabiri, gahunda ya ‘Digital Africa’ yari iherutse gutangizwa na Perezida Emmanuel Macron, ishobora guseswa burundu.

‘Digital Africa’ ni gahunda yatangijwe na Perezida Emmanuel Macron w’u Bufaransa, igamije guteza imbere ibikorwa n’imishinga y’ikoranabuhanga ku Mugabane wa Afurika.

Iyi gahunda yari ifite intego ngari zo kurushaho kwagura imikoranire y’u Bufaransa na Afurika mu by’ikoranabuhanga, cyane cyane ariko bikanafasha u Bufaransa kugira ijambo ku rubyiruko rwa Afurika ruri gukora imishinga izahindura uyu Mugabane mu myaka iri imbere, ibyo bikaba uburyo bwiza bwo kongera kwereka uyu Mugabane ko u Bufaransa bugifite ubushobozi bwo kugira uruhare mu iterambere ryawo, ingingo isa nk’iyihariwe n’u Bushinwa mu myaka ya vuba.

Kugira ngo ibi bigerweho, u Bufaransa bwari bwateganyije ko hazashorwa miliyoni 130€, azatangwa n’ikigega cy’u Bufaransa cy’iterambere, AFD.

Miliyoni 55€ yari bushorwe mu bigo bifite imishinga mito ariko itanga icyizere, miliyoni 70€ zigashorwa mu mishinga yatangiye gukorwa, ariko ikeneye ikindi gishoro kugira ngo irusheho gutezwa imbere mu gihe miliyoni 5€ yari bushorwe mu bikorwa byo gufasha ibigo byazahajwe n’ingaruka z’icyorezo cya Covid-19.

Ikigiye gutuma iyi gahunda isubikwa rero, ni uko Inama Nkuru ya AFD, izanatera inkunga uyu mushinga, yafashe umwanzuro wo kuyisesa.

Ikibazo nyamukuru kiri mu mikorere y’iki kigo, aho ubuyobozi bwa AFD bwifuza gukorana n’ibigo by’ikoranabuhanga ku Mugabane wa Afurika, ku buryo banasinyana amasezerano ariko ubuyobozi bwa Digital Africa butivanzemo.

Iyi mikorere yamaganywe na bamwe bari mu Nama Nkuru ya AFD, biganjemo abafite inkomoko ku Mugabane wa Afurika, barimo nk’umucuruzi Rebecca Enonchong ukomoka muri Cameroon, akaba umwe mu bagize Inama Nkuru ya AFD.

Aba badashyigikiye iseswa rya Digital Africa bashinja Stéphan-Eloïse Gras uyobora Digital Africa ‘kugira ubwibone’ no kutagira ubushake bwo gukorana n’abandi.

Gahunda ya Digital Africa isenyutse rugikubita

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .