Kwamamaza

Gabon: Urukiko rwatangiye gusubiramo amajwi

Yanditswe kuya 22-09-2016 saa 10:00' na Philbert Hagengimana


Urukiko rushinzwe kurengera Itegeko Nshinga muri Gabon rwatangiye kongera kubarura amajwi y’amatora ataravuzweho rumwe hagati ya Ali Bongo na Jean Ping bari bahanganye bashinjanya uburiganya.

Kuva kuri uyu wa Gatatu, tariki ya 21 Nzeri 2016, abacamanza icyenda bakora muri uru rukiko ndetse n’ababunganira batangiye iki gikorwa cyo gusubira mu mibare y’amajwi abakandida bombi bari bahanganye ku mwanya w’Umukuru w’Igihugu babonye.

Iri tsinda ryasubiyemo amajwi yaturutse mu biro by’itora bigera ku 2800 mu gihugu hose. Bagenzuraga ku buryo bwimbitse niba ibirego byatanzwe na Jean Ping ndetse na Sosiyete Sivile mu gihugu ko hari uduce twabayemo uburiganya mu kubarura amajwi bifite ishingiro.

Iri barura ryakozwe hari abagenzuzi batanu baturutse hanze y’Igihugu ndetse n’itsinda ry’indorerezi ziturutse mu Muryango wa Afurika Yunze Ubumwe zahageze mbere y’uko Urukiko rutangaza amajwi ya nyuma y’uwatorewe kuyobora igihugu, hagati ya Jean Ping na Ali Bongo.

Abavoka ba Jean Ping watsinzwe amatora y’Umukuru w’Igihugu na Ali Bongo Ondimba wayatsinze, bemeranyijwe gusubiramo ibarura ry’amajwi, kuwa 20 Nzeri mbere y’iminsi itatu ngo urukiko rushinzwe kurengera Itegeko Nshinga rutange umwanzuro.

Jeune Afrique dukesha iyi nkuru yatangaje ko Me Jean-Rémy Bantsantsa uburanira Jean Ping yatangarije AFP ko “impande zombi zumvikanye kubarura bundi bushya amajwi yavuye mu matora”, ibyo bikaba byanashimangiwe na Me Francis Nkea wunganira Ali Bongo.

Kuwa 8 Nzeri 2016, Jean Ping utavuga rumwe n’ubutegetsi yaregeye Urukiko rushinzwe kurengera Itegeko Nshinga, arusaba ko rwategeka ibarurwa ry’amajwi bundi bushya mu Ntara ya Haut-Ogooué.

Ali Bongo bari bahanganye, yabonye amajwi 95% mu bantu 99% batoreye muri iyo ntara nk’uko byatangajwe na Komisiyo y’Amatora (Cenap).

Iyo ntsinzi yahakuye yatumye anabasha gutsinda amatora mu gihugu hose, aho yarushije Jean Ping bari bahanganye amajwi 5000, ari na cyo cyabaye imvano y’imvururu muri Gabon kuva ubwo byatangazwaga na Minisitiri w’Umutekano kuwa 31 Kanama.

Kuri uyu wa Gatanu tariki ya 23 Nzeri ni wo munsi wa 15 ari na wo gihe ntarengwa cyari cyatanzwe n’Umucamanza Marie-Madeleine Mborantsuo hamwe na bagenzi, wo kuba hatangajwe umwanzuro ku busabe Jean Ping yashyikirije Urukiko rushinzwe kurengera Itegeko Nshinga.

Abagize Urukiko rurengera Itegeko Nshinga muri Gabon mu gikorwa cyo kongera kubarura amajwi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 4 Ukuboza 2016
Copyright © 2009 -2014 - IGIHE Ltd - All Rights Reserved