Kwamamaza

Gabon: Minisitiri w’Ubutabera yeguye aca amarenga ko atemera ibyavuye mu matora

Yanditswe kuya 6-09-2016 saa 08:31' na Mukaneza M.Ange


Mu rwego rwo kwerekana ko atemera ibyavuye mu matora y’Umukuru w’Igihugu muri Gabon aho byatangajwe ko Perezida Ali Bongo ariwe wegukanye intsinzi, Minisitiri w’Ubutabera Seraphim Moundounga yahisemo kwegura.

Tariki 28 Kanama 2016 nibwo muri Gabon habaye amatora ya Perezida, Ali Bongo yari ahanganye na Jean Ping wigeze kuyobora Komisiyo y’Umuryango wa Afurika Yunze Ubumwe.

Ubwo kuwa gatatu w’icyumweru gishize byatangazwaga ko Bongo ari we watsinze, abashyigikiye Ping bahise batangira kwigaragambya bavuga ko habayemo uburiganya ndetse nawe ubwe asaba ko amajwi yakongera kubarurwa.

BBC ivuga ko mbere yo gufata umwanzuro wo kwegura, Moundounga yaba yari yarabanje kubwira Bongo ko nibatemera gutangaza ukuri nyako, ariya matora azateshwa agaciro.

Niwe muyobozi wa mbere mu nzego zo hejuru weguye kubera ibyavuye mu matora.

Ubuyobozi bwa Gabon buvuga ko abantu batatu ari bo bapfuye, abagera ku 105 barakomerekera mu mvururu n’itabwa muri yombi byakurikiye itangazwa ry’amajwi. Andi makuru avuga ko abapfuye ari batandatu.

Ni mu gihe abagera kuri 800 bamaze gutabwa muri yombi naho abandi benshi abafite ubwenegihugu bwa Gabon n’u Bufaransa ntawe uzi irengero ryabo.

Ibyavuye mu matora bigaragaza ko Bongo yatsinze ku majwi 49.8% mu gihe Ping yagize 48.2%.

Abashyigikiye Ping mu myigaragambyo basaba Perezida Ali Bongo kurekura ubutegetsi

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved