Kwamamaza

Gabon:Hashinzwe guverinoma nshya yaheje abashyigikiye Jean Ping

Yanditswe kuya 4-10-2016 saa 12:53' na Jean Pierre Tuyisenge


Minisitiri w’Intebe wa Gabon Emmanuel Issoze Ngondet, yatangaje ku mugaragaro abagize guverinoma nshya ku cyumweru tariki ya 2 Ukwakira 2016, yakumiriye abatavuga rumwe n’ubutegetsi bari ku ruhande rwa Jean Ping.

Ni ikipe igizwe n’abantu 40 barimo abagore bangana na 30% nkuko Minisitiri w’Intebe yabitangarije ku ngoro ya Perezida iri mu mujyi wa Libre Ville, nyuma y’iminsi myinshi hari amakimbirane yaturutse ku matora ataravuzweho rumwe.

Jeune Afrique dukesha iyi nkuru ivuga ko abatavuga rumwe na Ali Bongo bagaragaye muri Guverinoma nshya harimo, Umukandida Bruno Ben Moubamba wo mu ishyaka Ubumwe bw’Abaturage (UP) ,wabaye uwa gatatu mu matora akagira 0,59%, yagizwe Minisitiri wungirije ushinzwe imiturire.

Abandi bari basanzwemo bagaragaye harimo uwari umuvugizi wa Guverinoma akaba na Minisitiri w’itumanaho Alain-Claude Bilie-By-Nze, n’uwari Minisitiri w’Ubutegetsi bw’Igihugu Maoubelet Boubeya wagizwe uw’Ububanyi n’Amahanga.

Undi wo mu ishyaka ritavuga rumwe na Ali Bongo ry’Ubumwe bw’Igihugu (UN),Estelle Ondo yagizwe Minisitiri w’Amashyamba, Uburobyi n’Ibidukikije.

Umuvugizi wa Jean Ping, Jean-Gaspard Ntoutoume Emane yanenze ibyakozwe agira ati “ Biyegereje abashonji”.

Perezida Ali Bongo w’imyaka 57, yarahiriye kuyobora Gabon manda ya kabiri y’imyaka 7 ku wa 27 Nzeri 2016, amaze kwemezwa n’ urukiko rushinzwe kurengera Itegeko Nshinga ko ari we watsinze amatora, nyuma yuko Intsinzi ye yari yarwanyijwe na Jean Ping bari bahanganye mu matora wanavugaga ko ari we wayatsinze.

JPEG - 34 kb
Minisitiri w’Intebe wa Gabon Emmanuel Issoze Ngondet

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved