Kwamamaza

Gabon: Hadutse imyigaragambyo nyuma y’intsinzi ya perezida Bongo

Yanditswe kuya 31-08-2016 saa 22:02' na Ezechiel Mbananabo


Havutse ubushyamirane mu mihanda y’Umurwa Mukuru wa Gabon, Libreville kuri uyu wa Gatatu hagati y’inzego z’umutekano n’abashyigikiye umukandida Jean Ping utavuga rumwe n’ubutegetsi nyuma y’aho bitangarijwe ko Ali Bongo Ondimba wari usanzwe ayobora iki gihugu ari we watsindiye kongera kukiyobora muri manda y’imyaka irindiwi.

Komisiyo y’Amatora yagaragaje ko Ali Bongo yatsinze amatora ya perezida yabaye ku wa Gatandatu n’amajwi 49,80%, mu gihe Jean Ping bari bahanganye yamuguye mu ntege n’amajwi 48,23%.

Ping yatangaje ko atemera ibyayavuyemo, ndetse yatangiye kubyina intsinzi kuva ku cyumweru yaraye abaye avuga ko ari we watsinze.

Inzego zishinzwe umutekano zamishe ibyuka biryana mu rwego rwo gutatanya abamushyigikiye bageragezaga kwinjira ku kicaro gikuru cya Komisiyo y’Igihugu y’Amatora i Libreville.

Blanche Simonny, umwe mu bashyigikiye Jean Ping, akaba n’umwe mu banyamuryango b’itsinda “ça Suffit Comme ça” ribarizwa muri sosiyete sivili, bivuze ngo ibyo birahagije ugenekereje mu Kinyarwanda, yabwiye BBC ko ibihumbi by’abantu bateraniye ku biro bikuru by’abatavuga rumwe n’ubutegetsi mbere yo gutangira urugendo berekeza kuri komisiyo y’amatora.

Yavuze ko hagaragaye umwotsi w’amapine yashyizwe mu mihanda.

Abahagarariye abatavuga rumwe n’ubutegetsi muri Komisiyo y’amatora, bavuye ahabarirwa amajwi banga gusinya impapuro zemeza intsinzi ya perezida Bongo nk’uko umunyamakuru wa BBC uri i Libreville yabitangaje.

Ali Bongo Ondimba w’imyaka 57 yatangiye kuyobora Gabon kuva muri 2009 nyuma y’urupfu rwa se Omar Bongo.Mu matora aherutse mu 2009, Perezida Ali Bongo yari yatsinze n’amajwi 42%.

Mu matora y’uyu mwaka yari umwe mu bakandida icumi bahatanira umwanya w’Umukuru w’Igihugu.

Jean Ping bari bahanganye cyane yahoze ari Minisitiri w’Ububanyi n’Amahanga wa Gabon ndetse yabaye n’umuyobozi wa Komisiyo y’Umuryango wa Afurika kuva mu 2008-2012.


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved