Kwamamaza

Gabon: Abantu barenga 1000 bamaze gutabwa muri yombi mu mvururu zakurikiye amatora

Yanditswe kuya 1-09-2016 saa 21:13' na Ezechiel Mbananabo


Abategetsi muri Gabon batangaje ko abantu 1100 aribo bamaze gutabwa muri yombi mu mvururu z’iminsi ibiri zadutse nyuma y’amatora y’Umukuru w’Igihugu, mu gihe abagera kuri batatu bamaze gupfa.

Minisitiri w’umutekano mu gihugu, Pacome Moubelet Boubeya yavuze ko abari hagati 600 na 800 bafatiwe mu Murwa Mukuru Libreville, mu gihe abandi bagera kuri 300 bafatiwe mu bindi bice bitandukanye by’igihugu.

Yabitangarije mu kiganiro n’abanyamakuru kuri uyu wa Kane, ku munsi wa Kabiri w’imyigaragambyo y’abamagana ibyavuye mu matora yabaye ku wa Gatandatu w’icyumweru gishize.

Ayo matora yatsinzwe na Perezida Ali Bongo ku majwi 49,80%, mu gihe Jean Ping utavuga rumwe n’ubutegtsi bari bahanganye bikomeye yamuguye mu ntege n’amajwi 48,23% batandukanyijwe n’amajwi y’abantu 5.594.

Mu gitondo cyo kuri uyu wa Kane, Umuyobozi wa Polisi, Jean-Thierry Oye Zue yabwiye Ibiro Ntaramakuru by’Abafaransa, AFP ko abantu barenga 200 batawe muri yombi bakora ubujura bw’ibicuruzwa i Libreville.

Yagize ati “Twafunze abajura b’ibicuruzwa barenga 200 kuva mu ijoro ryakeye.”
Yakomeje avuga ko ibikorwa by’ubujura bikomeje mu turere dukennye, kandi ko abapolisi batandatu b’abofisiye bakomeretse, abasivili benshi na bo bakaba bashobora kuba bababaye bikomeye.

Abigaragambya babarirwa mu bihumbi bashotse imihanda n’uburakari bwinshi kuri uyu wa Gatatu bamagana intsinzi ya Perezida Bongo, bamushinja kwiba amajwi.

Jean Ping bari bahanganye yavuzeko amatora ataranzwe n’umucyo kandi ko buri wese azi ko yatsinze.

Yanamaganye igitero cyagabwe ku nyubako y’ikicaro cye gikuru mu gihe atari ahari.
Yagize ati "Bateye ahayinga 01:00 (0:00 ku isaha mpuzamasaha, GMT). Ni abarinda perezida.Barasiraga mu kirere muri kajugujugu banarasira ku butaka."

Yasabye ubufasha bw’umuryango mpuzamahanga kugira ngo abaturage barindwe kandi asaba ko ibarura ry’amajwi risubirwamo kuri buri biro.

Leta Zunze Ubumwe za Amerika n’Umuryango w’Ubumwe bw’u Burayi(EU) nabyo byasabye ko amajwi ashyirwa ahagaragara, ndetse Umunyamabanga Mukuru wa LONI, Ban Ki moon asaba ko hagaruka ituze mu gihugu.

Hagati aho kandi kuri uyu wa Gatatu, Inteko Ishinga Amategeko muri iki gihugu yatwitswe.

Ali Bongo Ondimba w’imyaka 57 yatangiye kuyobora Gabon kuva muri 2009 nyuma y’urupfu rwa se Omar Bongo.Mu matora aherutse mu 2009, Perezida Ali Bongo yari yatsinze n’amajwi 42%.

Mu matora y’uyu mwaka yari umwe mu bakandida icumi bahataniraga umwanya w’Umukuru w’Igihugu.

Jean Ping bari bahanganye cyane yahoze ari Minisitiri w’Ububanyi n’Amahanga wa Gabon ndetse yabaye n’umuyobozi wa Komisiyo y’Umuryango wa Afurika kuva mu 2008-2012.

Abapolisi bo muri Gabon bari mu gikorwa cyo guhoshya imyigaragamyo i Libreville mu murwa mukuru

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved