Ethiopian Airlines yagejeje inkingo za mbere za Covid-19 muri Afurika

Yanditswe na Mukahirwa Diane
Kuya 7 Gashyantare 2021 saa 11:10
Yasuwe :
0 0

Sosiyete ikora ingendo zo mu kirere ya Ethiopian Airlines, kuri iki Cyumweru yatangaje ko yakoze urugendo rwa mbere rwo kugeza inkingo za Covid-19 mu bihugu bya Afurika.

Iyi sosiyete yamenyekanye nka sosiyete ngari mu zikora ingendo zo mu kirere muri Afurika, inkingo za mbere yazitwaye kuri uyu wa Gatandatu izikura Beijing mu Bushinwa izigeza Addis Abeba.

Umuyobozi wa Ethiopian Group, Tewolde Gebre Mariam, yavuze ko banejejwe no kuba urugendo rwo gutwara inkingo rwagenze neza kandi ko bagiye gukomeza.

Ati “Turishimye cyane ko twabashije gutangira intego yacu yo gukwirakwiza inkingo za Covid-19 muri Afurika. Mu mezi ashize nibwo twatangiye gutwara ibikoresho by’ubwirinzi n’inkingo tuzazitwara kinyamwuga ku bukonje zagenewe.”

Izi nkingo za mbere zagejejwe muri Afurika ku bufatanye na Ethiopian Airlines na Cainiao Smart Logistics Network ndetse na Alibaba yafashishije gushyiraho uburyo bwo gutwara inkingo mu bukonje bukwiye.

Ethiopian Airlines yatangiye gukwirakwiza inkingo mu gihe ibihugu by’Afurika byitenguye gutangira gukingira abaturage babyo Covid-19 muri uku kwezi, ku nkingo ziri gutangwa mu buryo bwa Covax bugamije kugeza inkingo kuri bose.

Ethiopian Airlines yatwaye inkingo za mbere za Covid-19 izigeza muri Afurika

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .