00:00:00 IGIHE NETWORK KN KINYARWANDA EN ENGLISH FR FRANCAIS

Ethiopia: Inyeshyamba zo muri Tigray zirashinjwa kwiba inkunga y’ibiryo y’abanyamerika

Yanditswe na Bukuru JC
Kuya 1 Nzeri 2021 saa 08:00
Yasuwe :
0 0

Inyeshyamba zirwanira kwigenga kw’Intara ya Tigray iri mu Majyaruguru ya Ethiopia, zirashinjwa kwiba inkunga yatanzwe na Leta Zunze Ubumwe za Amerika igamije gufasha abakuwe mu byabo n’intambara.

BBC yatangaje ko iyo nkunga yibiwe muri Leta ya Amhara, nubwo abanya-Tigray bashinjwa bo ntacyo barabivugaho.

Umuyobozi w’Umuryango USAID muri Ethiopia, yavugiye kuri Televiziyo ya Leta ko inyeshyamba zo muri Tigray zigabije inzu yari ibitsemo ibiribwa n’ibindi bikoresho by’ubutabazi bakayeza. Ngo banibye amakamyo.

Mu cyumweru gishize abayobozi bo muri Amhara bashinje abanya-Tigray kwica abaturage basaga 40, gusenya amashuri, ibitaro n’ibindi bikorwa remezo.

Amezi icumi arashize muri Tigray hadutse intambara hagati y’inyeshyamba n’ingabo za Leta. Abo muri Tigray bashaka kwigenga ntibayoborwe n’ubutegetsi bwa Addis Abeba mu gihe Leta yo itabishaka. Ni intambara yatangiye no gukwira mu tundi duce twegereye Tigray.

Ingabo za Leta zimaze amezi icumi zirwana n'inyeshyamba ziharanira ukwigenga kwa Tigray

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .