Ethiopia: Ingabo ziri mu butumwa bwa Loni zituruka muri Tigray zanze gusubira iwabo

00:00:00 IGIHE NETWORK

KINYARWANDA

ENGLISH

FRANCAIS IGIHE TV

Izigezweho

U Rwanda - Kuki abantu badashaka kumenya ukuri k’uburyo Rusesabagina yahindutse intwari? – Perezida Kagame
Iyobokamana - Yafungiwe gutunga imbunda atarayibonesha amaso! Ubuzima bushaririye Padiri Ubald yanyuzemo n’umurage yasize
Iyobokamana - Uko umuhango wo gushyingura mu cyubahiro Padiri Rugirangoga Ubald wagenze (Amafoto na Video)
Amateka - Uko Gari ya moshi yagombaga kuvana u Rwanda mu bwigunge mu myaka 120 ishize yapfubye itaravuka
U Rwanda - Ibimenyetso by’icya Semuhanuka Rusesabagina yateye urukiko ku Bunyarwanda bwe
U Rwanda - Igitima kiradiha muri RNC, urupfu rwa Bamporiki rwaciye igikuba

Ethiopia: Ingabo ziri mu butumwa bwa Loni zituruka muri Tigray zanze gusubira iwabo

Yanditswe na Bukuru JC

Kuya 23 Gashyantare 2021 saa 02:51

Yasuwe :

Yavuzweho:

0 0

Ingabo 15 zo muri Ethiopia ziri mu butumwa bw’amahoro muri Sudani y’Epfo, zanze gusubira iwabo mu Ntara ya Tigray nyuma y’igihe ako gace karimo imvururu n’intambara hagati y’abagatuye n’igisirikare cya Leta.

Umuvugizi w’Ingabo za Loni muri Sudani y’Epfo, Stéphane Dujarric, yabwiye AFP ko abo basirikare igihe bagombaga kumara muri Sudani y’Epfo cyari kirangiye, hakenewe abandi babasimbura.

Ni abasirikare 196 bagombaga gusimbuzwa ariko 15 muri bo basabye Loni kuba bagumye muri Sudani y’Epfo.

Dujarric yagize ati “Turi gushaka amakuru arambuye ariko twumvise ko 15 bahisemo kuturira indege ku kibuga cy’indege cya Juba. Basabye kuhaguma.”

Mu Ugushyingo 2020 Ingabo z’ishyaka TPLF ryayoboraga Tigray zagabye ibitero ku birindiro by’ingabo za Leta, nyuma y’uko abayobozi b’iyo ntara bashwanye n’ubutegetsi bwa Minisitiri w’Intebe, Abiy Ahmed.

Ibihumbi by’abaturage bivugwa ko byaguye muri iyo mirwano, mu gihe abagera kuri miliyoni ebyiri bavuye mu byabo.