00:00:00 IGIHE NETWORK KN KINYARWANDA EN ENGLISH FR FRANCAIS

Ethiopia: Ingabo za Tigray zateye Akarere ka Afar karimo izifatanyije n’iza Abiy Ahmed

Yanditswe na
Kuya 19 Nyakanga 2021 saa 11:58
Yasuwe :
0 0

Ingabo z’Ishyaka rya TPLF riyoboye Intara ya Tigray zateye Akarere ka Afar zihangana n’izaho zashyigikiye izo bamaze amezi umunani bahanganye za Minisitiri w’Intebe wa Ethiopia, Abiy Ahmed.

Reuters yatangaje ko iyo mirwano yatangiye ku wa Gatandatu w’icyumweru gishize, ikaba yagejeje kuri uyu wa Mbere ikiba.

Umuvugizi wa Afar yavuze ko ingabo za Ethiopia zigiye kuza kubashyigikira bagasubiza inyuma iza TPLF.

Ati “Ubu [ingabo za Ethiopia] ziri mu nzira ziza kandi tuzakorana nazo [Ingabo za TPLF] tuzikure aha.”

Umuvugizi w’ingabo za TPLF, Getachew Reda, yemeje iby’ayo makuru ariko avuga ko batari kurwana ngo bigarurire ako gace.

Yagize ati “Ntabwo turajwe ishinga no kuba twakwigarurira agace na kamwe muri Afar. Icyo tugendereye ahanini ni guca intege ubushobozi umwanzi arwanisha.”

Reda yavuze ko ingabo za TPLF zamaze kwirukana abarwanyi bari baturutse mu Karere ka Oromiya bakaza kwifatanya n’ingabo za Afar.

Kuva Abiy Ahmed yakohereza ingabo muri Tigray mu Ugushyingo 2020 ngo zihirike ku butegetsi zinambure intwaro iz’ishyaka TPLF rihayobora, ababarirwa mu bihumbi bamaze kuhasiga ubuzima mu gihe abandi miliyoni ebyiri bavuye mu byabo.

Abiy wita TPLF umutwe w’iterabwoba, mu 2019 yari yahawe igihembo cyitiriwe Nobel ariko kuva iyo ntambara yatangira yanenzwe n’amahanga kubera ubwicanyi n’ibikorwa bigayitse ingabo ze zakoreye abatuye muri Tigray.

Ubwo hari hashize ibyumweru bibiri imirwano itangiye yatangaje ko yayitsinze, ariko ingabo za Tigray zikomeza kurwana ndetse zigenda zisubiza tumwe mu duce twari twigaruriwe n’iza Ethiopia.

Ku wa 2 Nyakanga 2021, ingabo za TPLF ndetse n’abaturage ba Tigray baririmbye intsinzi nyuma yo gutsinda iza Ethiopia, maze izafashwe bazikoresha akarasisi mu Murwa Mukuru wa Tigray, Makelle, bazivugiriza induru bajya kuzifunga.

Reuters yatangaje ko abagera mu 1.000 muri abo bari bafunzwe basubijwe Leta mu cyumweru gishize.

Ingabo za Tigray zateye agace ka Afar karimo izifatanyije n'iza Ethiopia

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .