Kwamamaza

Ethiopia: Abahagarariye ibihugu byabo bongeye kwemererwa kujya aho bashaka

Yanditswe kuya 9-11-2016 saa 11:34' na Mukaneza M.Ange


Leta ya Ethiopia yakuyeho ingamba yari yashyizeho zategekaga abahagarariye ibihugu byabo kutarenga ibirometero 40 uvuye mu Mujyi wa Addis Ababa batabanje kubisabira uburenganzira.

Izi ngamba zashyizweho kubera ibihe bidasanzwe mu gihugu hose byatewe n’umutekano muke waterwaga n’imyigaragarambyo mu duce twa Oromia na Amhara.

Minisitiri w’Ingabo, Siraj Fegessa, yavuze ko impamvu bahisemo kongera kubareka bakajya aho bashaka mu gihugu ari uko amahoro n’umutekano byagarutse.

Nk’uko BBC yabyanditse, Fegessa yagaragaje ko kiriya cyemezo cyari cyafashwe kugira ngo umutekano wabo witabweho, ariko ko nubwo ibintu bitarajya ku murongo mu gihugu hose, nta mpungenge ko hari ikibi cyababaho.

Imyigaragambyo muri Ethiopia yatangiye umwaka ushize, ubwo leta yatangazaga umugambi wo kwagurira Umujyi wa Addis Ababa mu gace ka Oromia.

N’ubwo nyuma uyu mugambi waje guhagarikwa, abaturage batuye muri kariya gace bakomeje kwigaragambya bagaragaza ko bahezwa muri gahunda z’igihugu.

Urupfu rw’abantu bagera kuri 55 rwabaye ku wa 2 Ukwakira 2016 rwatumye ibintu birushaho kudogera, ndetse ibikorwa by’abacuruzi b’abanyamahanga bitangira kwangizwa.

Imiryango iharanira uburenganzira bwa muntu igaragaza ko abagera kuri 500 ari bo bamaze kugwa muri izi mvururu.

[email protected]


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 2 Ukuboza 2016
Copyright © 2009 -2014 - IGIHE Ltd - All Rights Reserved