Kwamamaza

EALA yunamiye Samuel Sitta wabaye Minisitiri wa Tanzania uheruka kwitaba Imana

Yanditswe kuya 24-11-2016 saa 05:07' na Rabbi Malo Umucunguzi


Inteko Ishinga Amategeko y’Umuryango wa Afurika y’Iburasirazuba (EALA) yunamiye Depite Samuel J. Sitta wabaye Minisitiri ushinzwe ibikorwa bya EAC akaba na Perezida w’Inteko Ishinga Amategeko ya Tanzania, uheruka kwitaba Imana.

Mu Nteko rusange yateraniye i Nairobi muri Kenya, abadepite bihanganishije guverinoma ya Tanzania, inshuti n’umuryango wa Sitta waguye mu Budage kuwa 17 Ugushyingo 2016, aho iyi nteko yashimye ubwitange yagaragaje, haba ari mu mirimo ya guverinoma ya Tanzania kimwe no muri EAC muri rusange.

Nk’uko byazamuwe na Depite Jeremie Ngendakumana agashyigikirwa na Shyrose Bhanji, bashimye Depite Sitta nk’umuntu witanze cyane mu buzima bwe.

Bagize bati “Sitta yarangaje imbere ibikorwa by’Umuryango wa Afurika y’Iburasirazuba anashyira imbaraga n’ukwizera mu rugendo rwo kwihuza nk’ibihugu binyuze mu gushyira imbaraga nyinshi muri ibyo bikorwa byo kwihuza n’iterambere, mu nshingano yari afite nka Minisitiri ushinzwe ubutwererane na Afurika y’Iburasirazuba guhera mu 2010 kugeza mu 2015,’’

Uwo mwanzuro kandi washyigikiwe ma Depite Frederic Ngenzebuhoro, Depite Makongoro Nyerere, Maryam Ussi na Hon Taslima Twaha

Perezida wa EALA, DepiteDaniel F. Kidega yaherukaga kohereza ubutumwa bwihanganisha mugenzi we wa Tanzania, Job Y. Ndugai, inshuti n’abavandimwe ba nyakwigendera Sitta.

Ubwo butumwa bwagiraga buti “EALA yatewe ishema no gukorana na Sitta haba mu nshingano ze nka Perezida w’umutwe w’abadepite muri Tanzania (2005-2010) na Minisitiri ushinzwe ibikorwa bya EAC (2010-2015). Turibuka ko Sitta yagize uruhare rukomeye mu rugendo rwo kwihuza nk’ibihugu,’’

Ubwo butumwa kandi bwavugaga ko nka Perezida w’Umutwe w’Abadepite, Sitta yayoboye Inteko neza kandi azahora yibukirwa ku miyoborere myiza ye yongereye imbaraga Inteko Ishinga Amategekoya Tanzania, izamura inshingano zayo ndetse irushaho gukomera.

Nyuma yo kuba Minisitiri wa EAC, yabarwaga nk’umwe mu bagize EALA ariko biturutse ku zindi nshingano yari afite zatumaga ahura nayo kenshi (Ex-Officio Member).

Depite Jeremie Ngendakumana
Depite Shyrose Bhanji

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved