Kwamamaza

EAC imaze gukoresha miliyoni 70 z’amayero yahawe n’Umuryango w’Ubumwe bw’u Burayi

Yanditswe kuya 14-11-2016 saa 13:27' na Cyprien Niyomwungeri


Umuryango wa Afurika y’Iburasirazuba (EAC) umaze gukoresha miliyoni 70 z’amayero muri 85 wahawe n’Umuryango w’Ubumwe bw’u Burayi binyuze mu kigega cyawo cy’iterambere (EDF).

Gahunda y’imyaka itanu y’ikigega cy’Abanyaburayi cy’iterambere, EDF 11, yemejwe muri mu mwaka wa 2014, yageneye EAC miliyoni 85 z’amayero, aho 75% by’iyi gahunda bizafasha ingengo z’imari z’inzego zitandukanye zirimo; amahoro n’umutekano, kwihuza kw’ibihugu, kubungabunga umutungo kamere n’ibindi.

Mu cyumweru gishize habaye inama y’ikigega cy’iterambere cy’Abanyaburayi i Brussels mu Bubiligi, yitabirwa n’Umunyamabanga mukuru wa EAC, Liberat Mfumukeko n’abandi banyamabanga bakuru b’imiryango ya COMESA, IGAD, SADC, OIC n’abahagarariye Umuryango w’Ubumwe bw’u Burayi i Brussels mu Bubiligi.

Nkuko The Exchange ibitangaza, iyi nama yari ifite intego yo kuganirira hamwe ku ishyirwa mu bikorwa ry’imishinga ya EDF 11, by’umwihariko muri EAC aho yashowemo miliyoni 85 z’amayero mu myaka itanu kuva 2014-2020.

Mfumukeko yatangaje ko muri miliyoni 85 z’amayero yashyizwe mu mishinga itandukanye, ifite agaciro ka miliyoni 70 z’amayero irimo gukorwa neza. Umushinga wo gutera inkunga ibikorwa by’amatora mu karere uhagaze miliyoni eshanu z’amayero uracyakorwa, uwo koroshya ubucuruzi wa miliyoni 35 z’amayero wararangiye kandi buri gihugu kibasha kubona kuri iyo nkunga.

Umushinga wo kubaka ibikorwa remezo by’amazi n’isukura mu kibaya cy’uruzi rwa Victoria, ufite agaciro ka miliyoni 10 z’amayero, wamaze kunozwa, mu gihe umuryango witegura gutanga indi mishinga irimo guteza imbere ubworozi bwo mu mazi wa miliyoni 20 z’amayero n’iyo kubungabunga amahoro n’umutekano no kongerera ubushobozi inzego.

Mfumukeko yasabye umuryango w’Ubumwe bw’u Burayi kwita cyane ku bibazo birimo kongera umusaruro w’ibiribwa n’ibyo abakozi binjiza kugirango abaturage b’akarere barusheho kubaho neza.

Muri gahunda y’imishinga ya EDF 11, Umuryango w’Ubumwe bw’u Burayi watanze miliyoni 600 z’amayero mu miryango itanu ya Comesa, EAC, SADC, IGAD na OIC. Mu mpera za Ukuboza 2016 buri muryango ukaba ugomba kuba wagaragaje imishinga y’ingenzi azakoreshwamo.

Umunyamabanga mukuru wa EAC, Liberat Mfumukeko(wa kabiri uturutse iburyo) n’abandi banyamabanga bakuru b’imiryango ya COMESA, IGAD, SADC, OIC n’abahagarariye Umuryango w’Ubumwe bw’u Burayi i Brussels mu Bubiligi

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved