Kwamamaza

DRC: Loni yihanangirije leta ku bwicanyi bukomeje kuharangwa

Yanditswe kuya 12-10-2016 saa 13:53' na Niyonsenga Schadrack


Nyuma yo kugirwa Intumwa y’Umuryango w’Abibumbye uzaba unayoboye ingabo z’uyu muryango ziba Muri Congo, Maman Sambo Sidikou, yagaragaje ko iki gihugu gishobora kuzisanga mu bwicanyi bw’indengakamere.

Uyu mugabo wahaze izi nshingano ku wa 8 Ukwakira 2016, yanavuze ko ibikorwa bya Loni muri Congo bikwiye kongererwa ubushobozi mu buryo bwihuse.

Sambo Sidikou ukomoka muri Niger, yavuze ko kugira ngo ibibazo biri muri Congo bikemuke hagomba gufatwa ingamba, byaba ngombwa n’ibihano bigashyirwaho.

Ati " Birasobanutse neza ko dukeneye kumenya neza ibyabaye ndetse n’ibihano bishobora gufatwa kuko umuco wo kudahana n’icyenewabo ni zimwe mu nzira ziganisha ku bibazo."

BBC ivuga ko Sidikou Sambo yashimangiye ko Guverinoma ya Congo ikwiye kwita ku Itegeko Nshinga mu rwego rwo kurushaho gutegura neza amatora y’umukuru w’igihugu.

Ubwo yari imbere y’akanama gashinzwe amahoro n’umutekano mu Muryango w’Abibumbye, Ignace Gata Mavita, Ambasaderi wa Congo muri Loni, yavuze ko imyigaragambyo yabaye muri iki gihugu muri Nzeri yari ifite ishingiro.

Uyu muyobozi yavuze ko igihugu cye kiteguye ibiganiro n’inama izo ari zo zose, gusa ngo icyo kitazemera n’uwazana ibyo kugiharabika no kugitegeka ibyo gikora.

Repubulika Iharanira Demokarasi ya Congo iri mu mvururu za politiki kuva aho abatavuga rumwe na leta bashinje Perezida Kabila gushaka kuguma ku butegetsi mu gihe manda ebyiri yemererwa n’Itegeko Nshinga ry’igihugu zizaba zirangiye mu Ukuboza 2016.

Kugeza ubu abantu benshi bamaze kugwa mu mvururu z’imyigaragambyo yakorwaga n’abatavuga rumwe na leta.

Sambo Sidikou avuga ko hatagize igikorwa muri Congo havuka ubwicanyi ndenga kamere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 3 Ukuboza 2016
Copyright © 2009 -2014 - IGIHE Ltd - All Rights Reserved