Kwamamaza

Dr. Kizza Besigye yongeye gutabwa muri yombi

Yanditswe kuya 3-10-2016 saa 17:11' na Jean Pierre Tuyisenge


Umunyapolitiki Dr Kizza Besigye uhagarariye ishyaka ritavuga rumwe na Leta ya Uganda (FDC), yatawe muri yombi mu gitondo cyo kuri uyu wa Mbere, ku kibuga cy’Indege cya Entebbe ubwo yari avuye mu Burayi aho yari amaze iminsi.

Umuyobozi w’Umujyi wa Kampala, Erias Lukwago yemeje aya makuru ariko avuga ko atazi aho bamujyanye.

Yagize ati “ Ntituzi aho bamujyanye ariko turi gukora uko dushoboye ngo tuhamenye.”

Umuvugizi wa Polisi, Andrew Kaweesi yabwiye Daily Monitor dukesha iyi nkuru ko Besigye yatawe muri yombi mu rwego rwo kwirinda akavuyo k’abamushyigikiye.

Yagize ati “ Twamufashe akimara kuva mu ndege, abashinzwe umutekano baramuherekeza bamujyana iwe i Kasangati. Byari ngombwa kuko twari dufite amakuru ko abamushyigikiye baraza guteza akavuyo kandi nka Polisi ntidushobora kubyemera.”

Andrew Kaweesi yakomeje avuga ko polisi yari ifite amakuru ko hari ibyapa byari byaramaze gukorwa byanditseho “ Nyakubahwa Kizza Besigye Perezida wa Uganda, Kizza Besigye, Perezida w’abaturage”.

Ibyo byapa ngo byari byamaze no gukwirakwizwa n’umunyamabanga wa FDC ushinzwe ubukangurambaga witwa Ingrid Turinawe, n’Umujyanama w’iryo shyaka mu gace ka Makerere witwa Doreen Nyanjura.

Dr. Besigye yageze ku kibuga cy’indege cya Entebbe saa mbiri na cumi n’itanu za mu gitondo ahita atwarwa na Polisi ahantu hatabashije kumenyekana, gusa polisi yavuze ko yamujyanye iwe.

Iri tabwa muri yombi rije rikurikira izindi nshuro nyinshi yagiye afatwa agafungwa cyane cyane mu gihe cy’amatora y’umukuru w’igihugu yabaye ku wa 18 Gashyantare 2016.

Ni amatora Komisiyo y’igihugu yatangaje ko Perezida Museveni yatsinze ku majwi 60.8%, mu gihe Dr Kizza Besigye yabonye 35%.

Dr Kizza Besigye utavuga rumwe n'ubutegetsi bwa Uganda

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved