00:00:00 IGIHE NETWORK KN KINYARWANDA EN ENGLISH FR FRANCAIS

Denmark igiye gufunga Ambasade yayo muri Tanzania

Yanditswe na Bukuru JC
Kuya 29 Kanama 2021 saa 12:06
Yasuwe :
0 0

Denmark yatangaje ko mu 2024 izafunga Ambasade yayo muri Tanzania bitewe n’impinduka yakoze mu bijyanye na politike yayo mpuzamahanga.

Ku wa Gatanu tariki ya 27 Kanama 2021 nibwo Denmark yasohoye itangaza ko mu 2024 izafunga Ambasade yari ifite muri Tanzania bitewe n’amavugurura iki gihugu cyakoze mu bijyanye na Ambasade gifite mu bihugu by’amahanga.

Mu itangazo Minisitiri w’Ububanyi n’Amahanga wa Tanzania, Liberata Mulamula yashyize hanze, yavuze ko batanyuzwe n’iki cyemezo cya Denmark kuko igihugu cye kiri gukora ibishoboka byose ngo kigirane umubano mwiza n’ibindi bihugu.

Amakuru dukesha The Citizen avuga ko mu biganiro Minisitiri Mulamula yagiranye na mugenzi we wa Denmark, Flemming Moller Mortensen hifashishijwe ikoranabuhanga yagaragaje ko yizeye ko ibihugu byombi bizakomeza kubana neza nubwo Denmark yafashe uyu mwanzuro.

Ati “Nubwo Denmark yafashe iki cyemezo, Guverinoma ya Tanzania ifite icyizere cy’uko Guverinoma ya Denmark izakomeza gukorana na Tanzania mu mishinga y’iterambere itandukanye, ishyigikira imishinga ya Tanzania mu Muryango w’Ubumwe bw’Uburayi n’Uwabibumbye ndetse n’indi.”

Flemming Moller Mortensen yavuze ko uyu mwanzuro wagoye igihugu cye mu kuwufata ariko yemeza ko ukubiye muri gahunda nshya Denmark yihaye izwi nka "The World We Share”.

Iyi gahunda igaragaza ko Denmark ikwiye gushyira imbaraga mu kwimurira ibikorwa byayo mu bihugu bikiri mu bibazo birimo amakimbirane, intambara ndetse n’abimukira.

Moller yavuze ko Denmark igiye kwibanda ku gukorana n’ibihugu byo muri Sahel n’ahandi hari ibibazo.

Denmark igiye gufunga Ambasade yayo muri Tanzania

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .