COVID-19: Afurika y’Epfo yahagaritse gukoresha urukingo rwa AstraZeneca

Yanditswe na Mukahirwa Diane
Kuya 8 Gashyantare 2021 saa 10:11
Yasuwe :
0 0

Leta ya Afurika y’Epfo yatangaje ko yabaye isubitse ibikorwa byo gukingira abaturage bayo COVID-19 ikoresheje urukingo rwakozwe na AstraZeneca ngo kuko yabonye nta musaruro rutanga mu gukingira ubwoko bushya bw’iki cyorezo.

BBC yatangaje ko mu bushakashatsi bwakozwe muri iki gihugu bugakorerwa ku bantu 2000 byagaragaye ko uru rukingo rwa AstraZeneca rudakora bihagije kuri ubu bwoko bushya bwa Coronavirus.

Kuba uru rukingo rwa AstraZeneca rudakora neza kuri ubu bwoko bushya bwa Coronavirus biteye impungenge Abanya-Afurika y’Epfo kuko ubushakashatsi bwagaragaje ko 90% by’Abandura iki cyorezo uyu munsi, bituruka kuri ubu bwoko bushya bwa Coronavirus.

Afurika y’Epfo ihagaritse gukoresha inkingo za AstraZeneca mu gihe yakiriye doze zarwo zigera kuri miliyoni ndetse muri iki cyumweru ikaba yateganyaga gutangira ku rukoresha mu gukingira abaturage mu buryo bwa rusange

Minisitiri w’Ubuzima muri iki gihugu, Zweli Mkhize yavuze ko mu gihe batarafata umwanzuro wa nyuma kuri uru rukingo rwa AstraZeneca, mu byumweru biza baratangira gukoresha izakozwe na Johnson & Johnson na Pfizer.

Kugeza ubu muri Afurika y’Epfo abarenga miliyoni 1,4 bamaze kwandura COVID-19 mu gihe abo yahitanye barenga ibihumbi 46.

Afurika y’Epfo yahagaritse ibikorwa byo gukingira COVID-19 ikoresheje urukingo rwa AstraZeneca

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .