Kwamamaza

DRC: Abanyamadini barashinjwa kwinjiza abantu mu mitwe y’inyeshyamba

Yanditswe kuya 26-08-2016 saa 15:24' na Uwishyaka Jean Louis


Bamwe mu bayobozi b’amadini muri Repubulika Iharanira Demokarasi ya Congo batangiye gushinjwa ibikorwa byo kwinjiza abarwanyi mu mitwe y’inyeshyamba isanzwe ihungabanya umutekano w’iki gihugu ndetse no mu bihugu by’ibituranyi.

Mu bamaze kugaragazwa ko bakora ibyo bikorwa, harimo Muhindo Mukanda Djibril, umuyobozi wungirije ushinzwe iterambere ry’Abayisilamu muri Butembo na Hamza Baghuma Kasereka, Umuyobozi w’umusigiti ubarizwa muri uyu mujyi.

Radiyo Okapi itangaza ko kuri uyu wa 25 Kanama 2016, abagabo babiri, Kasereka Mupanda Kasimu na Issaka Muhindo bombi bakurikiranyweho ubwicanyi bakoreye mu gace ka Beni, bashinje aba bayobozi kuba ari bo babinjije mu mutwe w’abarwanyi wa ADF usanzwe urwanira mu duce tunyuranye tw’iki gihugu.

Ubwo bari mu rukiko, umwe mu baregwa yagize ati “Umuyobozi wungirije uhagarariye Islam muri aka karere[Muhindo Mukanda Djibril] kuva mu 2004 yakiriye abanyatanzaniya n’abanyasomaliya muri Butembo mbere y’uko abafasha kujya mu nkambi zikambitsemo abarwanyi ba ADF mu gace ka Beni.”

Avuga ko yavuye mu nyeshyamba za ADF mu 2004 muri gahunda ya MONUSCO yo gusezerera, kwambura intwaro, no gusubiza mu buzima busanzwe abahoze ari inyeshyamba. Gusa ngo nyuma, aba bayobozi mu idini ya Islam bamusubije muri uyu mutwe w’inyeshyamba.

Aba bayobozi uko ari babiri, kuri uyu wa kane bahamagajwe n’ubutabera bwa gisirikare gusa bombi bahakanye bivuye inyuma ibyo bashinjwa.

Repubulika Iharanira Demokarasi ya Congo ikambitsemo imitwe myinshi y’inyeshyamba zihora zihungabanya umutekano w’iki gihugu, irimo FDLR yiganjemo abasize bakoze Jenoside mu Rwanda, Mai Mai n’indi myinshi.

Uyu mutwe wa ADF aba baregwa bavuga ko binjijwemo, usanzwe urwanya Leta ya Uganda, ariko ukaba urwanira no muri Congo cyane ukaba wibasira abatuye mu gace ka Beni gaherereye mu majyaruguru ashyira Uburasirazuba bwa Congo Kinshasa.

Mu mwaka ushize aba barwanyi bishe abaturage 400 muri aka gace.

Abanyamadini bivugwa ko binjiza abantu mu mitwe y'iterabwoba bagejejwe imbere y'Urukiko rwa Gisirikare i Beni bahakana ibyo baregwa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Sunday 11 Ukuboza 2016
Copyright © 2009 -2014 - IGIHE Ltd - All Rights Reserved