00:00:00 IGIHE NETWORK KN KINYARWANDA EN ENGLISH FR FRANCAIS

Centrafrique: Ingabo za Loni zarashweho n’abarinda Perezida

Yanditswe na Bukuru JC
Kuya 2 Ugushyingo 2021 saa 12:41
Yasuwe :
0 0

Abapolisi icumi ba Misiri bari mu butumwa bwo kugarura amahoro muri Centrafrique (MINUSCA), bakomerekejwe n’amasasu barashweho n’abashinzwe kurinda Perezida w’icyo gihugu.

Aba bapolisi barasiwe ku kibuga cy’indege cya M’Poko mu murwa mukuru Bangui kuri uyu wa Mbere ku gicamunsi, ubwo bari baje gusimburana na bagenzi babo basoje ubutumwa.

Itangazo ryasohowe na Minusca, rivuga ko ubwo abo bapolisi bari bagiye kwerekeza ku cyicaro cyabo, barashweho n’abashinzwe kurinda Perezida ku mpamvu zitaramenyakana dore ko ngo abo bapolisi nta ntwaro bari bafite.

Mu gihe bashakaga uko bahunga ayo masasu, imodoka yabo yagonze umugore wari uri hafi aho ahita yitaba Imana.

Minusca yamaganye ubwo bushotoranyi, isaba Leta ya Centrafrique gutangiza iperereza kugira ngo hamenyekana icyabiteye.

Iperereza ryahise ritangira kugira ngo ababigizemo uruhare babiryozwe imbere y’ubutabera.

Misiri ifite ingabo zisaga 900 ziri mu butumwa bwa Loni bwo kugarura amahoro muri Centrafrique.

Ingabo za Misiri ziri muri MInusca zarashweho n'abarinda Perezida

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .