Canada yafashe indege ya Air Tanzania kubera umwenda wa miliyoni $13

Yanditswe na IGIHE
Kuya 23 Ugushyingo 2019 saa 03:23
Yasuwe :
0 0

Minisitiri w’Ububanyi n’amahanga wa Tanzania, Prof Palamagamba Kabudi, kuri uyu wa Gatandatu yatangaje ko indege ya Jet ya sosiyete y’ubwikorezi, Air Tanzania, yafatiwe muri Canada.

Prof Kabudi yavuze ko iyi ndege yabujijwe kuva muri Canada bitewe ikirego umunyafurika y’Epfo, Hermanus Steyn, asabamo ingurane y’ubutaka bwe bwafatiriwe na Guverinoma ya Tanzania mu 1980.

Prof Kabudi yagize ati “Twaramutsinze mu rukiko rwa Afurika y’Epfo, hanyuma arajurira nabwo dutsinda urubanza. Kuri iyi nshuro yasabye abayobozi ba Canada gufatira indege yacu Bombardier Q400, ariko twiteguye guhangana”.

Iyi ndege byari biteganyijwe igera muri Tanzania mbere y’uko uku kwezi kurangira.

Iyi ni inshuro ya kabiri indege ya Air Tanzania ifatirwa kubera ikirego cya Steyn. Muri Kanama, ubuyobozi bwa Afurika y’Epfo, bwafatiriye Airbus 220-300, byategetswe n’urukiko nyuma y’uko Steyn yari yarubwiye ko Tanzania imurimo miliyoni $13 million z’ingurane.

Prof Kabudi yavuze ko Tanzania yamaze guhamagaza uyihagarariye muri Canada ngo asobanure iby’iryo fatirwa ry’indege.

Ni ubwa kabiri indege ya Tanzania ifatiriwe kubera umwenda ifitiye umunyafurika y'Epfo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza