Byemejwe ko Bongo yatsindiye gukomeza kuyobora Gabon

Yanditswe na Philbert Girinema
Kuya 31 Kanama 2016 saa 02:52
Yasuwe : XX
0

Komisiyo y’Amatora muri Gabon yatangaje ko Ali Bongo wari usanzwe ari Perezida w’iki gihugu yatsinze amatora n’amajwi 49.85% mu gihe uwo bari bahanganye Jean Ping yagize 48.16%.

Gutangaza amajwi y’ibyavuye muri aya matora byatinze ku buryo busanzwe dore ko yo ubwayo yabaye kuwa 27 Kanama, abantu bakaba bari bakomeje gutegereza uwatsinze.

Abaturage bagera ku 628,000, ni bo babashije gutora Umukuru w’Igihugu uzabayobora mu myaka irindwi iri imbere.

Perezida Ali Bongo n’umukandida bahanganye Jean Ping, buri umwe yivuga imyato mu itangazamakuru ko ariwe watsinze.

Ni amatora yateje umwuka mubi hagati ya Gabon n’ibihugu nk’u Bufaransa ndetse na Côte d’Ivoire kugeza ubwo bamwe mu bayobozi begura.

Ishyaka rya Gisosiyalisite mu Bufaransa ari na ryo Perezida François Hollande aturukamo ryari ryagaragaje ko risa n’irishyigikiye umukandida Jean Ping nyuma yo kwigamba itsinzi ibyavuye mu matora bitaratangazwa.

Ryavugaga ko ryizeye ko demokarasi izatsinda ndetse ko “ Amatora y’ubwisanzure y’abaturage ni inzira igaragariramo demokarasi no gusimburana ku butegetsi, iyo babihisemo bigomba gukora. Iyi ni yo mpamvu demokarasi igomba gutsinda muri Gabon nk’uko byagenze muri Leta nyinshi."

Inkuru bifitanye isano: Urujijo mu matora muri Gabon,u Bufaransa na Côte d’Ivoire birashinjwa kwivanga

Ali Bongo wari usanzwe ari Perezida wa Gabon yatsinze amatora n’amajwi 49.85%
Kuva tariki ya 28 Kanama 2016, Jean Ping n'abamushyigikiye bavugaga ko aribo batsinze amatora

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza