Burundi: Leta igiye gukuraho imfashanyo yahaga abanyeshuri ba Kaminuza

Yanditswe na Kanamugire Emmanuel
Kuya 31 Ukwakira 2016 saa 09:26
Yasuwe : XX
0

Leta y’u Burundi yatangaje ko igiye gukuraho imfashanyo ya buruse yahaga abanyeshuri biga muri Kaminuza y’u Burundi, igasimbuzwa inguzanyo izajya yishyurwa barangije kwiga.

Nkuko BBC ibitangaza, itangazo ryashyizweho umukono n’umuvugizi wa Leta y’u Burundi, Philippe Nzobonariba, yatangaje ko iki cyemezo kizatuma abanyeshuri biga neza, bagashyiramo imbaraga zose.

Mu karere ka Afurika y’Iburasirazuba u Burundi nicyo gihugu cyari gisigaye gitanga buruse itishyurwa.

Bamwe mu banyeshuri bo muri Kaminuza bavuga ko iki cyemezo kitari gikwiye gufatwa kuko kwishyura bizagorana bitewe n’abashomeri benshi biganjemo abarangije Kaminuza.

Ku rundi ruhande ariko abize muri Kaminuza basanga ntacyo bitwaye kwishyura inguzanyo yo kwiga. Iki cyemezo gifashwe mu gihe umubare w’abanyeshuri ukomeje kwiyongera bitewe n’ubwiyongere bw’amashuri yisumbuye.

Kaminuza y’u Burundi ifite abanyeshuri barenga ibihumbi 18, bahabwaga amafaranga y’icyo gihugu angana n’ibihumbi 30 buri kwezi.

Umuvugizi wa Leta y’u Burundi, Philippe Nzobonariba

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE