Kwamamaza

Burundi: Imiryango itanu iharanira uburenganzira bwa muntu yahagaritswe burundu

Yanditswe kuya 25-10-2016 saa 09:19' na Jean Pierre Tuyisenge


Imiryango itanu iharanira uburenganzira bw’ikiremwamuntu mu Burundi irimo, Forsc, FOCODE, APRODH, ACAT na RBP yahagaritswe burundu na Minisiteri y’Ubutegetsi bw’Igihugu iyishinja kubiba urwango mu baturage.

Imiryango idaharanira inyungu za politike 10 ni yo irebwa n’icyo cyemezo gusa itanu yahagaritswe burundu indi ihagarikwa by’agategenyo.

BBC dukesha iyi nkuru ivuga ko imyinshi muri iyo miryango yari mu yagize uruhare mu myigaragambyo yo kwamagana manda ya gatatu ya Perezida Nkurunziza.

Iyo Minisiteri ishinja iyo miryango kurenga ku mategeko ayigenga, kwanduza isura y’igihugu, no kubiba urwango n’amacakubiri mu baturage.

Minisitiri w’Ubutegetsi bw’Igihugu, Pascal Barandagiye, yagize ati “ Aba bateshutse ku ntego zabo zanditse mu masezerano ahubwo batangira kwangiza isura y’igihugu, ari nako babiba urwango mu Barundi.”

Iyo miryango yahagaritswe burundu, yari yarahagaritswe by’agateganyo mu kwezi kwa cumi na kumwe umwaka ushize, ariko yari igisohora ibyegeranyo by’akazi.

Imwe muri iyo miryango yahagaritswe harimo Uharanira uburenganzira bw’ikiremwamuntu n’ubw’imfungwa (APRODH), uyobowe na Claver Mbonimpa, uherutse kurusimbuka ubwo abantu batazwi bamurasaga. Uyu hamwe n’izindi mpirimbanyi banenga Perezida Nkurunziza kuyobora manda ya gatatu anyuranyije n’ibikubiye mu Itegeko Nshinga.

Indi itanu yahagaritswe by’agateganyo, harimo Syndicat UBJ y’abanyamakuru, Ligue Iteka, Cosome, umuryango ushyigikiye Urukiko Mpuzamahanga Mpanabyaha ICC na SOS Torture.

Yaba iyahararitswe burundu cyangwa by’agateganyo, ikunze kunenga Leta ko itubahiriza uburenganzira bw’Abarundi ishinzwe kuyobora.

Kuva Perezida Nkurunziza yatangaza ko agiye kwiyamamariza kuyobora u Burundi muri manda ya gatatu, muri icyo gihugu hatangiye imyigaragambyo y’abatari bamushyigikiye ndetse yaje gutuma abasaga 400 bahasiga ubuzima, abandi babarirwa mu bihumbi 300 bata ingo zabo nkuko bitangazwa n’Umuryango w’Abibumbye.

Minisitiriri w'Ubutegetsi bw'Igihugu mu Burundi, Pascal Barandagiye
Umuyobozi wa APRODH, Pierre Claver Mbonimpa

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Wednesday 7 Ukuboza 2016
Copyright © 2009 -2014 - IGIHE Ltd - All Rights Reserved