Kwamamaza

Burundi: Amashyaka 23 yemeranyije kuvugurura Itegeko Nshinga

Yanditswe kuya 23-10-2016 saa 16:57' na Philbert Hagengimana


Amashyaka 23 arangajwe imbere na CNDD-FDD riri ku butegetsi, yashyize umukono ku masezerano aha icyerekezo gishya Politiki y’u Burundi, aho harimo ingingo yo kuvugurura Itegeko Nshinga.

Ayo masezerano yasinywe hagati ya Leta y’u Burundi n’abanyapolitiki bavuga ko batavuga rumwe na yo, agizwe n’ingingo 29 zirimo ivuga ko ibiganiro bihuza Abarundi bisanzwe bibera i Arusha muri Tanzania, byazanwa imbere mu gihugu bikaba ari ho bikomereza, ariko abafite ibyo bashinjwa bakabanza bagakurikiranwa.

Ayo mashyaka yemeranyijwe ko Itegeko Nshinga rizavugururwa hashingiwe ku bizava mu biganiro bibera mu Burundi. Akanama gashinzwe ibiganiro bihuza Abarundi gaherutse gushyira ahagaragara raporo y’ibyo kakoze, aho kagaragaje ko Abarundi benshi mu babajijwe, basabye ko Perezida yajya atorerwa manda zirenze ebyiri, agategeka igihe cyose abaturage bakimwizeye.

Abo banyapolitiki banagaragaje ko bashyigikiye icyemezo cyo kwivana mu masezerano ya Roma ari na ko kwikura mu Rukiko Mpuzamahanga Mpanabyaha.

Muri ayo masezerano kandi harimo n’ingingo ibuza ibitangazamakuru kongera guha umwanya abarwanashyaka biyita ko bayoboye amashyaka ariko batemewe na Miniteri y’Ubutegetsi bw’Igihugu.

Ayo masezerano yashyiriweho umukono i Gitega, mu ihuriro ry’ayo mashyaka ryari ryateguwe na Minisiteri y’Ubutegetsi bw’Igihugu.

Itegeko Nshinga rya Repubulika ririho mu Burundi riteganya ko Perezida ategeka manda ebyiri ntarengwa, ariko akaba azitorerwa n’abaturage.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved