00:00:00 IGIHE NETWORK KN KINYARWANDA EN ENGLISH FR FRANCAIS

Burundi: Amashuri agiye kongera gufungurwa, abanyeshuri bazabanza gupimwa

Yanditswe na Zigiranyirazo Bajecteur
Kuya 11 Nzeri 2021 saa 10:25
Yasuwe :
0 0

Mu Burundi amashuri agiye kongera gufungura kuri uyu wa Mbere tariki ya 13 Nzeli 2021 nyuma y’amezi atatu abanyeshuri bari bamaze mu kiruhuko cyagizwe kirekire n’ubwiyongere bwa Covid-19.

Biteganyijwe ko abanyeshuri bose bo mu mashuri yisumbuye n’abiga bacumbikirwa bagomba kubanza gupimwa icyorezo cya Covid-19.

Ibikorwa byo gupima abanyeshuri, abarimu n’abakozi bakora mu bigo by’amashuri yisumbuye n’ibindi bicumbikira abanyeshuri, byatangiye ku wa Gatanu. Biteganyijwe ko bizasozwa ku wa Kabiri w’icyumweru gitaha.

Minisiteri y’Ubuzima mu Burundi yatangaje ko ubwandu bwa Covid-19 bwiyongereye mu ntangiriro z’iki cyumweru bitewe no kutubahiriza neza ingamba zo kwirinda ikwirakwizwa ry’icyo cyorezo.

Ku wa 06 Nzeli 2021, Guverinoma y’u Burundi yatangaje ko ubwandu bwa Covid-19 bwari ku mpuzandengo y’abantu 154 ku munsi, imibare myinshi yaherukaga kuboneka muri icyo gihugu ku wa 21 Nyakanga 2021.

Nubwo amashuri yongeye gufungurwa mu Burundi, muri Uganda ho akomeje gufungwa nubwo ingamba zo kwirinda ikwirakwizwa ry’icyorezo zatangiye koroshywa.

Gahunda yo gukingira abarimu yatangijwe mu kwezi gushize, ikomeje kugenda biguruntege kandi byaratangajwe ko amashuri azongera gufungura ari uko abarimu n’abandi bakozi bamaze gukingirwa.

Muri Uganda, amashuri yafunzwe mu mwaka ushize ntarafungurwa kugeza ubu, uretse abanyeshuri bari bageze igihe cyo kwitegura ibizamini bya leta, bagiye bafashwa mu buryo bwihariye.

Umuvugizi wa Minisiteri y’Uburezi muri Uganda, Denis Mugimba, yavuze ko kugeza ubu hamaze gukingirwa abarimu ibihumbi 183 mu bagera ku bihumbi 550 bagomba gukingirwa wongeyeho abandi bakozi bagera ku bihumbi 180.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .