Burundi: Abantu basaga 500 barishwe mu 2017

Yanditswe na IGIHE
Kuya 5 Gashyantare 2018 saa 04:08
Yasuwe :
0 0

Umuryango uharanira uburenganzira bwa muntu mu Burundi, Aprodh, watangaje ko abantu bagera kuri 500 bishwe muri iki gihugu mu mwaka ushize wa 2017.

Uyu muryango uvuga ko ihohoterwa rikorwa n’udutsiko tw’abantu bitwaje intwaro batazwi cyangwa abashinzwe umutekano, rimaze kuba nk’ikintu gisanzwe mu Burundi ndetse abarigizemo uruhare bisa n’aho badahanwa.

Inzego za leta zo zitangaza ko umutekano umaze kugaruka mu gihugu.
Uyu muryango uherutse kubarura abantu 504 bishwe n’abandi 373.

Inkuru ya RFI ivuga ko abakunda kwibasirwa ari abarwanashyaka ba FNL ya Agathon Rwasa n’abarimo abagaragayeho kwamagana manda ya gatatu ya Perezida Nkuruziza ndetse n’abahoze mu gisirikare cy’u Burundi.

Aprodh ivuga ko igiteye inkeke ari uko 2/3 by’abishwe babikorewe n’inzego zishinzwe iperereza cyangwa Imbonerakure zigizwe n’urubyiruko rukorana bya hafi n’ishyaka riri ku butegetsi mu Burundi.

Ibikorwa byo gufunga binyuranyije n’amategeko n’iyicarubozo na byo ngo bikomeje kwiyongera ku buryo kugeza ubu amagereza yo mu gihugu arimo ubucucike.

Raporo ya Aprodh ivuga ko imibare y’imfungwa iri hafi gukuba gatatu abo gereza zifitiye ubushobozi bwo kwakira.

Umwaka ushize wasize abantu bagera kuri 500 bishwe mu Burundi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza