Kwamamaza

Burundi: Abantu barenga ibihumbi 600 bugarijwe n’inzara

Yanditswe kuya 15-11-2016 saa 20:10' na Cyprien Niyomwungeri


Ishami ry’Umuryango w’Abibumbye ryita ku biribwa, PAM, riratangaza ko abantu barenga ibihumbi 600 mu Burundi bugarijwe n’ibura ry’ibiribwa ryaturutse ahanini ku myuzure n’amapfa yibasiye iki gihugu mu mwaka ushize.

Abayobozi ba PAM bemeje ko nta gikozwe umubare w’abashonje ushobora kugera ku bihumbi 700 umwaka utaha. Bavuga kandi ko intara eshanu ziri mu majyaruguru no mu burasirazuba bw’igihugu arizo zibasiwe cyane n’icyo kibazo, aho abagera ku bihumbi 65 bamaze guhunga ingo zabo.

Uhagarariye PAM mu Burundi, Charles Vincent, ejo kuwa Mbere yabwiye Reuters ko atahamya neza ko ari inzara ariko ngo ari ho bishyira.

Yagize ati “Ibintu biraca amarenga mu majyaruguru y’igihugu uretse ko tutakwemeza ari inzara, turavuga ko hari ikibazo cy’ibura ry’ibiribwa mu buryo bukaze ariko si inzara.”

Akomeza avuga ko batangiye gutanga ibiribwa ku miryango irenga 13 000, ariko yongeraho ko ibyo bakora bidahagije kugira ngo bigere ku miryango yose ifite ikibazo cy’ibura ry’ibiribwa.

Hagati ya Nzeri 2015 na Gicurasi uyu mwaka, u Burundi bwahuye n’ibibazo bitandukanye by’imyuzure itewe na El Nino n’amapfa aturutse kuri La Nina.

Ikibazo cy’inzara kije cyiyongera ku bindi byugarije u Burundi kuva igihe Perezida Nkurunziza yafatiye icyemezo cyo kwiyamamariza manda ya gatatu. Izi mvururu za politiki zimaze gutuma abagera ku bihumbi 300 bahungira mu bihugu by’u Rwanda, Tanzania na RDC.

Abarundi bibasiwe n'ibura ry'ibiribwa ryatewe ahanini n'imihindagurikire y'ibihe

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved