00:00:00 IGIHE NETWORK KN KINYARWANDA EN ENGLISH FR FRANCAIS

Burundi: Abantu 15 baguye mu gitero cy’abitwaje intwaro

Yanditswe na IGIHE
Kuya 27 Kamena 2021 saa 09:29
Yasuwe :
0 0

Imodoka ebyiri zitwara abantu mu buryo bwa rusange zaguye mu gaco k’abarwanyi bitwaje intwaro mu gace ka Rutegama mu Ntara ya Muramvya, bazirasaho amasasu menshi hapfamo abantu 15, abandi benshi barakomereka.

Mu masaha ya saa Mbili z’umugoroba wo ku wa Gatandatu tariki 26 Kamena 2021, ni bwo izi modoka zirimo bisi na Toyota Hiace zatezwe n’aba barwanyi.

Minisitiri w’Umutekano n’Iterambere ry’Abaturage mu Burundi, Gervais Ndirakobuca, yavuze ko abakoze ibi bikorwa by’iterabwoba bishe abantu 15 bagakomeretsa benshi mu bari muri izo modoka.

Ikinyamakuru Iwacu Burundi cyatangaje ko amakuru cyahawe n’abarokotse icyo gitero avuga ko aba barwanyi bari bafite imbunda bari bashyize amabuye mu muhanda, noneho izo modoka zije batangira kuzirasaho.

Bivugwa ko izi modoka zagerageje kurenga ahari hashyizwe amabuye ariko zihita zifatwa n’inkongi y’umuriro zirashya zose n’abagenzi bari bazirimo. Abantu benshi bakomerekeye muri iki gitero bahise bajyanwa mu Bitaro bya Muramvya na Kibimba.

Uwatanze amakuru uri mu barokotse yavuze ko ijoro ryose imiryango nka Croix-Rouge yaraye itunda inkomere izijyana ku bitaro.

Iki gitero kije gikurikira ikindi cyo mu ijoro ryo ku Cyumweru tariki 9 Gicurasi 2021, cyabaye muri iyi Ntara ya Muramvya n’abitwaje intwaro nabwo bica abantu 12, abandi benshi barakomereka.

Abitwaje intwaro batwitse imodoka zitwara abagenzi mu Burundi zihinduka umuyonga

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .